ኤርትራውያን መንእሰያት፡ ወጽዓ ህዝብና ንምብቃዕን ውልቀ-ምልካዊ ስርዓት ካብ ሃገርና ንምጉሓፍን ዝሕግዝ ስትራተጂ ንምንዳይ፡  ካብ 25 ክሳብ 27 ግንቦት ንኩሉ ግዱስ ዘሳትፍ ኮንፈረንስ ንምእንጋድ ንሸባሸብ ኣለና። እዚ ብዙሕ ምድላዋት ዝግበረሉ ዘሎ ዋዕላ ሓድነትና ኣደልዲሉ፡ ጥርናፈና ኣሐይሉ፡ ናይ ቃልሲ መንፈስና ስሒሉ፡ ንህዝብና ካብዚ ተጻዒንዎ ዘሎ ኣርዑት ህግደፍ ዘናግፍ ቀያሲ መቃለሲ መንገዲ ሓንጺጹ ክወጽእ ትጽቢት ይግበር።

ኩሉ ብደረጃ ፖለቲካውያን ውድባት፡ ሲቪካዊ ምንቅስቓሳት ወይ ውን ብውልቂ፡ ዕድመ ስርዓት ህግደፍ ንምሕጻር ክግበር ዝጸንሐን ዘሎን ጻዕሪ ዝናኣድ’ዩ። በብመንገድና ነካይዶ ቃልሲ ንመላኺ ስርዓት ኢሳያስ ካብ ስልጣን ኣወጊድካ ፍትሕን ዲሞክራስን ዝዓሰላ ሃገር ንምህናጽ’ዩ። እንተኾነ በየናይ መንገዲ ናብቲ ደረጃ’ቲ ንበጽሕ ብሓሳብ ክንፈላለ ጸኒሕና። ቀዳምነት ዝወሃቦም ዛዕባታት ምስ ብካልኣይ ደረጃ ዝስርዑ ጉዳያት እናሓወስና፡ ንግስጋሰና ሓገዝቲ ኣብ ዘይኮኑ ነገራት ክንካታዕ ግዜ ኣዕሪብና። ልዕሊ ኩሉ ከኣ ንሕሉፍ ፖለቲካዊ በሰላታት ክንድህስስ ንድሕሪት ምቁማት ስለዘብዛሕና፡ ሕምባበና ክዝሕትል ከምዝጸንሐ ንኩላትና ብሩህ’ዩ።

ነፍስ-ወከፍና ገጢሙና ዘሎ ብድሆታት ንሰማማዓሉ’ዩ። ምንቅስቓስና ውህደት ጎዲልዎ፡ ራኢና’ውን ጨመተ ሓጺርዎ’ዩ ዘሎ። ቅልጡፍ ቆላሕታ ዝደሊ ጉዳይ ምዃኑ ከኣ ንጹር’ዩ። እቲ ዕማም ናብ ሓደ ውድብ፡ ወይ ሲቪካዊ ምንቅስቓስ ወይ ውን ማሕበር ዝግደፍ ግን ኣይኮነን፡ ኩሉ ደላዪ ለውጢ ክዋሳኣሉ ዝግባእ ጉዳይ’ዩ። ንሓደ ዝቐርቦ ነቲ ካልእ ዝርሕቆ ኩነት የለን። ሓደ ዓይነት ሓላፍነት’ዩ ዘሰክመና።

ኣብ ዋሽንግተን ክካየድ ዝሕለን ዘሎ ኮንፈረንስ ኤርትራውያን መንእሰያት ማዕረ’ዩ ዝብጽሓና። ከምቲ ኣቐዲሙ ብተደጋጋሚ ዝተገልጸ፡ ንኩሉ ደላዪ ለውጢ ዜጋ ማዕጽኡ ክፉት’ዩ። ኣብ ምድላው ክሳተፍ፡ ሓሳቡ ከፍስስ፡ ምስ መዛንኡ ኢሂን ምሂን ኢሉ መፍትሒ ሽግር ሃገርና ከናዲ ትንቢትን ምንዮትን ናይዚ ኮንፈረንስን ኣዳለውቱን’ዩ።

ስለዚ፡ ኩሉ ደላዪ ለውጢ ብፍላይ ከኣ ብውልቂ ወይ ብማሕበር ዝተጠርነፈ መንእሰይ፡ ዝገደፈ ገዲፉ ናብዚ መኣዲ ዘተ ክኸውን ተስፋ ተነቢርሉ ዘሎ ኮንፈረንስ መንእሰያት ክሳተፍ ብክብሪ ይጽዋዕ። መቃለሲ ኮምፓስ (ብሶላ) ኣብ ምንዳይ ዝግበር ሃናጺ ክትዓት ክወሳእ ይዕደም። ካብ ተዓዛቢ ፍጻመ፡ ሰራሒ ፍጻመ ክኸውን ናብ ኮንፈረንስ ዋሽንግተን ዲሲ ክምርሽ ይሕተት።

ደጊሙ፡ ኮንፈረንስ ኤርትራውያን መንእሰያት ሌላን ጉሌላን ዘይብሉ፡ ንኩሉ ደላዪ ለውጢ ኣብ ሓደ መኣዲ ከሳትፍ ዝግበር ዘሎ ዋዕላ ምዃኑ እናነጸረ፡ ኩሉ ተቓላሳይ ዕቱብነት ናይዚ ዋዕላ ኣስተብሂሉ ብክፉት መንፈስ ክጽንበር ልባዊ ጻውዒት የቕርብ።
ናብዚ ኮንፈረንስ ክትምዝገቡ ወይ’ውን ሓገዛትኩም ከተወፍዩ እትደልዩ http://eysc.net/ ኬድኩም ሓበሬታ ክትረኽቡ ከምእትኽእሉ ንሕብር።
ኮንፈረንስ ዝካየደሉ ሆቴል፡-
Holiday Inn Capitol  , 550 C Street S.W. Washington, DC 20024,
You may also call to book 1-888-847-1675  using the code E6Y
ዓወት ንውጹዕ ህዝቢ ኤርትራ!!!
19 ሚያዝያ 2012 ዓ.ም
አዳላዊት ኮሚተ ኮንፈረንስ ዋሽንግቶን ዲሲ

 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...