ኩልና ከም እንፈልጦን አቐዲሙ ከምዝተሓበረን አብ መወዳእታ ወርሒ ግንቦት ካብ ዕለት 25 ክሳብ 27 ግንቦት 2012 ዓ.ም ናይ ኤርትራውያን መንእሰያት ኮንፈረንስ አብ ከተማ ዋሽንግቶን ዲሲ ክቃናዕ እዩ። እዚ ሓያል ምድላዋት ዝግበረሉ ዘሎ ኮንፈረንስ መንእሰያት ቡዙሕ ንጥፈታት ዝሓቖፈ ኮይኑ ሓደ ካብ መደባቱ ንስርዓት ህግደፍ ዝኹንን ሰፊሕ ሰላማዊ ሰልፊ ምክያድ’ዩ። እቲ ሓደ ምኽንያት ንከተማ ዋሽንግቶን ዲሲ ከም ኣእንጋዲት ኮንፈረንስ ንኽትከውን ዝተመርጸትሉ ምኽንያት እቲ እንኮ ሕጋዊ ቤት ጽሕፈት ስርዓት ህግደፍ ዝኾነ ኤምባሲ አብኡ ስለዝርከብ እቶም ናብቲ ኮንፈረንስ ዝውሕዙ ደለይቲ ፍትሒ ናብኡ ከይዶም አብቲ ስርዓት ዘለዎም ተቓውሞ ንዓለም ንኸስምዑ ተባሂሉ እዩ።

ነቲ ድሒርና ዝረኸብናዮ ሓበሬታ ማለት ዓለምለኻዊ ሰላማዊ ሰልፊ አንጻር ስርዓት ህግደፍ አብ ከባቢ 24 ግንቦት ንኽግበር ብማሕበር ኤርትራውያን መንእሰያት ሃገረ ግብጺ (‘May 24th Movement for Change’ from Cairo, Egypt) ንዝተገብረ ጻውዒት ብምድጋፍ ናቱ አካል ኮይና ንኽንሰርሕ ፍቓድና ንገልጽ። አብዚ ጊዜ’ዚ ሃገር ናይ ምድሓን ህጹጽ ነጋሪት አብ ዝውቀዓሉ ዘሎ እዋን ሰላማዊ ሰልፊ ኣንጻር ህግደፍ አብ ዝግበረሉ ህሞት መን አበጊስዎ ወይ’ውን በዓል መን እዮም ዘወሃህድዎ ዘለው ዝብሉ ሕቶታት ምቕዳም፣ አብ ክንዲ ነቲ ናይ ሓባር ስራሕ፡ ናብ ዝና ዝጠመቱ አተሓሳስባታት ካብ አእምሮ ኩላትና ደለይቲ ፍትሕን ዲሞክራስን ክውገኑ ይግባእ። ደጊም ዝኾነ ይኹን ተበግሶ አንጻር ናይ ሓባር ጸላኢ ዝውንኖ ህዝቢ ኤርትራ ስለ ዝኾነ ዓወት ናይቲ ድኻም ድማ ናይ ህዝቢ ኤርትራ ምዃኑ ክንጸር ይግባእ።

እዚ ምስ እንገብር አብ ነንሕድሕድና ምውድዳር ገዲፍና አጆኹም አጆና እናተበሃሃልና እቶም ዝነአስና ነቶም ዝዓበዩ አቦታትና፡ አዴታትና፡ አያታትናን ዓበይቲ አሓትና ተቓለስቲ አኽቢርና ምስቶም መሳቱና ድማ ብስኒትን ምትሕልላይን ምስ እንጉዓዝ ህግደፍ አብ አዝዩ ዝሓጸረ ግዜ ነበረያ ነበረ ከምዝኸውን ጥርጥር የብልናን። ስርዓት ህግደፍ አብ ጻዕረ ሞት አብ ዘለወሉ እዋን ናትና ዘይምስናይን ዘይምክብባርን ጠንቂ መናውሒ ዕድሚኡ ክኸውን ከነፍቅድ የብልናን።

እምበአርከስ ንሕና ኤርትራውያን ናብቲ ኮንፈረንስ ካብ ኩሉ ኩርንዓት አብ ዋሽንግቶን እንእከብ አሕዋትኩም ደቅኹም ንስርዓት ህግደፍ አብ ቅርዓቱ መጺና ሃገርና ግደፈልና ስልጣንካ ነቲ ወናኒ ዕጭኡ ህዝቢ ኤርትራ አረክብ ክንብሎ ተዳሊና አለና እሞ፡ ኩሉኹም ደለይቲ ፍትሒ ኤርትራውያን ብፍላይ አብ ከባቢ ዋሽንግቶን ዲሲ፣ ቨርጂንያ፣ ሜሪ ላንድ፣ አለክሳንድርያ፣ ባልቲሞር ወዘተ ዘለኹም አባላት ፖለቲካውያን ውድባት ሲቪካውያን ማሕበራትን ውልቀ ሰባትን አብዚ ናይ 25 ግንቦት 2012 ዓ.ም እንገብሮ ሰላማዊ ሰልፊ ብሓባር ንኸነዕውቶ ጻውዒትና ነቕርብ።

ዕውት ሰላማዊ ሰልፊ መርአያ ናይ ዕውት መሰሉ ዝፈልጥ ህዝቢ አምበር ናይ ወደብቱ ዓወት ዘይምዃኑ ብሩህ ኮይኑ፤ የግዳስ ሓያል አወዳድባና ነቲ እንደልዮ ሸቶ ንምርካቡ ዕዙዝ ተራ ክጻወት ስለዝኽእል ነዚ ናይ ኩልና ሓላፍነት ንምዕዋቱ ምስ ኩለን ፖለቲካውያን ውድባት፡ ሲቪካውያን ማሕበራትን ውልቀ ሰባትን ክንሰርሕ ምዃንና ምስ ናይ አኽብሮቱ ንሕብር።

ንዝኾነ ይኹን ሓበሬታ ብ This email address is being protected from spambots. You need JavaScript enabled to view it. ተወከሱና ወይ’ውን አብ www.eysc.net ተኸታተሉ።

ዓወት ንውጹዕ ህዝቢ ኤርትራ!!!

አወሃሃዲት ኮንፈረንስ ኤርትራውያን መንእሰያት ዋሽንግቶን ዲሲ


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...