ሃገርና ኤርትራ ብሰንኪ ስርዓት ህ.ግ.ደ.ፍ.ን ተጣላዒ ኣካይድኡን ኣትያቶ ዘላ ኣዝዩ ተሃዋሲ እዋን፣ በቲ ሓደ ወገን ሕዝብና ተሳጢሕዎ ዘሎ ኩሉ መዳያዊ ብርሰትን ምብትታትንን ከኣ በቲ ካልእ ገጽ ኣመዛዚንካ፣ ደሞክራሲያዊ ቃልሲ ንለውጢ ካብ ንዝኾነ እዋን ንላዕሊ ብዝለዓለ ተዓጻጻፍነት ጉልበቱ ክቕጽልን ክጠናኸርን ኣማራጺ ዘይብሉ ግድነት ኮይኑ ጸኒሑን ኣሎን።

ካብዚ ብምንቃል ኩሎም ናይ ለውጢ ሓይልታት፣ ህላውነቶምን ሓፈሻዊ ኩነታቶምን ብምግምጋም፣ ሕዝብን ሲቪክ ማሕበራትን ሞያውያን ምሁራትን መንእሰያትን ደቂ ኣንስትዮ፣ ኣካላት ሕብረተሰብና ብሓበራ፣ ብዕትበት ዝዋስኡሉ ቀዳማይ ሃገራዊ ዋዕላ ንደሞክራስያዊ ለውጢ ካብ 31 ሓምለ ጀሚሩ ይሰላሰል ኣሎ።

እዚ ብ31 ሓምለ 2010 ኣብ ሰዓታት ድሕሪ ቀትሪ ብኽብ ዝበለ ኤርትራዊ ወኒ ተሰንዩ ዝተኸፈተ ዋዕላ ንደሞክራሲያዊ ለውጢ፣ ላዕለዎት ሰበ ስልጣን ሰንዓ ፎርም ማለት ጀነራል ከማል ዓውዱን ካብ የመን፣ ኣል ሰይድ ዑስማን ኣቡዓግላ ካብ ሱዳንን፣ ኣቶ ሙኽታር ኸድር ካብ ኢ.ህ.ወ.ደ.ግ. (ኢትዮጵያ) ተረኺቦምዎ።

እዚ ኣብ ብዙሕነት ኩሉ መዳይ ኣቃውማ ሕብረተሰብና ዘረጋገጸ በዓል ጽቡቕ ጅማሮ ዋዕላ ንደሞክራሲያዊ ለውጢ፣ ብዓቢ ሃገራዊ ዋኒንን መንፈስን ሓድ ሕድ ምጽውዋርን ዘንጸባርቐ ዋዕላ፣ ስሩዕ ኣጀንዳታቱ ኣብ ምትግባር ሓድነት ሕዝቢ ኤርትራ ብምርግጋጽን ንሓድሕድ ምትእምማንን ብጽቡቕ መንፈስ ይቕጽል ኣሎ።

ዛጊት 17 ዝኣባላታ ዋዕላ እትመርሕ ሰክረታርያት ብደሞክራሲያዊ መንገዲ መሪጹ ኣብ ዝተረፉ ኣጀንዳታት ዓሚቚ ዘተ ብምክያድ ዳርጋ ኩሉ ውሳነታት ብሓባራዊ ስምምዕ ይኸይድ ኣሎ።

እዚ ካብ ኩሉ ክፍለታት ሕብረተሰብና ተሳትፍኡ ብምርግጋጽ  ብ330 ኤርትራውያን ተጋቢኡ ዘሎ ዋዕላ ስጋብ ሎሚ መዓልቲ ነዞም ዝስዕቡ ነጥብታት ኣጻፊፉ ወዲኡ ኣሎ።

  1. ምምራጽ ሰክረታርያ ዋዕላ
  2. ውሽጣዊ ሕጊ ዋዕላ
  3. ፖለቲካዊ ገምጋም ኤርትራ
  4. ምቛም ንኡሳን ኮሚተታት ዘተ ወ.ዘ.ተ.

እዚ ኣብ እዋኑ ዝጀመረ ኣብ ታሪኽ ኤርትራውያን ዝተገብረ ዓቢ ምትእኽኻብ ኣብ ሕቶ ሓድነት ኣብ ምውሳን መሰጋገሪ እዋን ኣብ ሕቶ ኣገባብ ቃልሲ ካልኦትን ሕዝብናን ሃገርናን ካብ ትሕቲ ዲክታተርያዊ ኣገዛዝኣ ህ.ግ.ደ.ፍ. ክናገፈሉ ዝኽእል ናይ ኩሎም ኤርትራውያን ተሳተፍነት ዘረጋገጸ ናይ ቃልሲ ባይታ ክፍጠረሉ ዝኽእል መስርሕ ኣብ ሓደ ስምምዕ በጺሑ ክወጽእ ትጽቢት ይግበረሉ ኣሎ።
ኣብ መወዳእታ፣ ኣብ ደገን ኣብ ውሽጥን ዝርከብ ሕዝብና እዚ ብውፉይ ኣበርክቶ ተሳተፍቲ ስርሑ ብግቡእ ዝዓምም ዘሎ ዋዕላ፣ ኣብ ውሽጢ እታ ቆይማ ዘላ ሰክረታርያ ሓንቲ ብኹነታት ዋዕላን ዝዓሞ ዘሎ ጉዳያትን ብዝምልከት ካብ ግዜ ናብ ግዜ ሓበረታን ዜናዊ መግለጽታትን እትህብ ኮሚተ ዋሃብ ቃል ተሰይማ ስለዘላ፣ ምእንቲ ወግዓውነት ሓበረታ በዛ ኮሚተ እዚኣ ዝወሃብ ሓበረታታትን ዜናታትን ጋዜጣዊ መግለጽታትን ወግዓዊ መግለጽታት ናይ ሃገራዊ ዋዕላ ንደሞክራሲያዊ ለውጢ ምዃኖም በዚ ነረጋግጽ።  

ሰክረታርያ ዋዕላ ንደሞክራሲያዊ ለውጢ
4 ነሓሰ 2010
ኣዲስ ኣበባ፣ ኢትዮጵያ 


Help Andom, an Eritrean-American, get elected to Congress by donating at  andomforny.com/donate 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...