ናይ ሓዘን መግለጺ

ኣወሃሃዲ ሽማግለ ናይ ሃገራዊ ዲሞከራሰያዊ ሓይልታት ኤርትራ(CC-ENDF)፡ ንዜና መስዋእቲ ተቓላሳይ ኣማረ ገብረማርያም ብመሪር ሓዘን ኢዩ ሰሚዕዎ። ብዕለት 12 ጉንቦት 2013 ብሞት ዝተፈልየና ተቓላሳይ ኣማረ ገብረማርያም ሓደ ካብቶም መስረትቲ ኣባላት ሃገራዊ ዲሞከራስያዊ ሓይሊታት (ENDF) ኢዩ ነይሩ። ከም ምክትል አቦ መንበር ኣውሃሃዲ ሽማግለ ኮይኑ ድማ ንሓደ ዓመት ብንጥፈት መሪሑን ርኡይ አስተዋጽኦ ኣበርኪቱን ኢዩ።

ነፍሲሄር ኣማረ ገብረማርያም ንሙሉእ ዕድሚኡ ምእንቲ ዝፈትዎ ሃገሩን ህዝቡን ተቓሊሱ ኢዩ። ኣብ ሃገርና ሰላምን ዲሞክራስን ፍትሕን ክሰፍን ከይተሓለለ ብትብዓት ተጋዲሉ ኢዩ። ኣብዚ ቀረባ እዋን ብዝወረዶ ሕማም ከይተሰነፈ፡ ክሳብ ናይ መወዳእታ ትንፋሱ እትሓልፍ ብተወፋይነት ዝተቓለሰ ሓርበኛ ኢዩ ነይሩ።

ተጋዳላይ ይሓልፍ ስራሓቱ ግን ነባሪ ስለዝኾነ፡ ሓውና ኣማረ ውን ከምቶም ብስራሖምን ታሪኾምን ነበርቲ ዝኾኑ ደቂ ሃገር ሂያው ክኸውን ኢዩ።

ኣወሃሃዲ ሽማግለ ሃገራዊ ዲሞከራሰያዊ ሓይልታት ኤርትራ (CC-ENDF)፡ ንመላእ ስድራ ቤቱን ፈተውቱን መቃልስቱን ኣምላኽ ጽንዓት ክሀቦም፡ ንመዋቲ ድማ መንግስተ-ሰማያት ከዋርሶ እናተመነየ ናይ ሓዘኖም ተኻፋላይ ምዃኑ ይገልጽ።

ኣወሃሃዲ ሽማግለ ሃዲሓኤ

15/05/2013

This email address is being protected from spambots. You need JavaScript enabled to view it.