ሎሚ እልል እወ ዮሃና ኣዝማሪኖ።

እዚ ኣብ መበል 12 ዓመት ኣገልግሎት ኣዝማሪኖ ዳግመ ምፍጣረይ ጥራይ ዘይኮነስ ነቶም ብኽብሪ ዝተሰውኡ እውን ሞሳኦምን ዓስቦምን ዝዝከረላ ዕለት ገይረ እወስዳ። ዝሓለፉ ጀጋኑና ድምጾም ዘይተሰምዓሉ ከብቅዕ ቦለኽ ዝበለት ድምጺ ኣዝማሪኖ፣ በቲ ካልእ ድማ እቲ ህልው ኤርትራዊ ህዝቢ ኣብ ከርሲ ሃገሩ ተዓቢሱን ሃጢሙን ኣሎ እሞ ጸሓይና መሊኣ ክትበርቕ ዘበርብር ጸዳል ኮይኑ ተሰሚዑኒ። ኣዝማሪኖ ዓዋተ ድምጸን ብምዝርጋሕ ነታ ክትጠፍእ ዝተሓንጸጸት ጸሓይ ኤርትራ ብርሃና ኮይነን ኣገልጊለናኣ እየን እሞ ዓዋተ እውን በዚ ሕጂ ንኣዝማሪኖ ተዋሂቡ ዘሎ ዓስቢ ኣገልግሎታ ተሞጒሳ ናታ ኣገልግሎት ጽባሕ ትስለምን ትምጎስን። ዓዋተ ሞሳኣ ኣብ ልቢ ነፍስ-ወከም ከም ዘሎ ክገልጽ እፈቱ።

ናይ ኣዝማሪኖ ኮነ ናይ ተስፋልደት ስልማት ነቲ ኣብ ዝሓለፋ 36 ዓመታት ዝሰመዓኒ ዝነበረ ጓሂ ክጸናናዓኒ ክኢሉ። እተን ክልተ ናይ ተቓውሞ ወብ.ሳይት ኣዝማሪኖን ዓወተን ሳልሰይቲ እውን መስከረም ከይዕበሳ ይፈርሕን ይስከፍን ነይረ። ሓሶትን ሸርሕን እኩይ ፍሕሶ ህግደፍ ስለ ዝፈልጦ ኣዝየ ኢየ ዘስተንትን ነይረ። እወ እተን ክልተ ነቲ ተደጋጋሚ ወራራት ሰጊረንኦ። እታ ሳልሰይቲ ግን ኣይግድን ተንበርኪኻ። ምስቲ ሕቡእን ምስጢራውን ዝካየድ ምዕናው ሃገርና ዝኽተል መስመር ህግደፍ ኮነ ናይ ውልቀ-ሰብ ሸርሒ ዘርዓደኒ ስክፍታታት ኣብ ዓዋተ ስሕት ኢለ ይጽሓፍ እምበር ንኣዝማሪኖ እንተ ብህግርና ወይ ብዕሽነት ክጽሕፍን ክሰድድን ኣይመደብኩን። እዚ እውን ንመርበብ ጸላኢና ህግደፍ ኣብ ልዕሊ ኣዝማሪኖ ክትፍንዎ ትኽእል ሓሶትን መናፍሕን ንህዝብና ከይሃስዮ ዝብል ውልቃዊ ርእይቶይ ነይሩ። ስክፍታተይ ብመዓልቱ ድማ ይግለጽ። ብዙሕ ጭቡጥ ጭብጥታትን መግለጺታትን እውን ኣብ ቦትኡ ኣሎ።  

ኣዝማሪኖ ምልክት ጽንዓትን ምልክት ቀጻልነትን ኢያ። ሓው ተስፋልደት መሓረና ድማ ንድምጺ ህዝቡ ከይዕበስ፣ ሃገር እውን ኣብ ቀጻሊ ጠለባት ህዝባዊ መሰልን ፍትሕን ጠለባ ከይሃስስ ዘበራበረ ንኹሉ ብድሆታት ዝሰገረ ሓያል ኤርትራዊ ወንን ፍቕሪ ሃገርን ዘለዎ ውላድ ህዝቢ ኢዩ። እዚ መግለጺ እዚ ካብ ኣያኻን ዝሕበን ተረፍ እቶም ዝሓለፉ ብጻይ መምህር ተስፉ ዘውደ ኢዩ። ዝተኸፍለ ይከፈል ዝብል ቀጻሊ ጥምጥም ሰጊርካስ ንኹሉ ዘበራብር ስልማት ከም ሓውልቲ ታሪኻውን ነባሪ ስለ ዝኾነ ንዓኻን ንስድራኻን ስላምን ቅሳነትን ነቲ ተፍቅሮ ህዝብኻ ድማ ካብዚ ዘለዎ ናይ ጸማት ዘበን ዘገላግል ድምጽኻን ድምጺ ኣስማሪኖን ኣይተሓባእ እብል። ነቶም ንኹሉ ተቓዋሚ ድምጺ ዘተባብዕ ተበግሶ ወሲዶም ድማ ነዚ ስልማት እዚ ተግባራዊ ዝገበሩ ሓጎሰይ ካብ ልቢ እገልጽ። ከም ኖበል ፕራይዝ በብዓመት ቀጽልዎ እብሎም። ምርቓይ ንኹሉኹም ደለይቲ ፍትሕን ሰላምን ድማ ይብጻሕኩም።

ቪቫ ኣዝማሪኖ።

ተስፉ ዘውደ።