ኣብ ውሽጢ ኤርትራ ዝርከቡ ኣባላት ዓርቢ ሓርነት ህዝቢ ኣንጽር ምልኪ ሓቢሩ ንኽልዓል ዝጽውዕ ጭርሖ ዝተጻሕፎ ሓሙሽተ ሽሕ ናቕፋ ኣብ ኣስመራ ዘርጊሖም። ዝበዝሐ ክፋል ናይዚ ገንዘብ ኣብቲ ዝሓለፈ ሰንበት ኣብ ኤክስፖ ኣስመራ ዝተዛዘመ ፈስቲቫል ኤርትራ ዝተዘርግሐ ክኸውን ከሎ፡ ገለ‘ውን በተን ኣብ ውሽጢ ከተማ ኣስመራ ዝርከባ ዝተፈላለያ ናይ ንግዲ ትካላት ኣቢሉ ኣብ ዕዳጋ ይዘውር ከም ዘሎ ነቲ ስራሕ ዝፈጸሙ ኣባላት ዓርቢ ሓርነት ካብ ኣስመራ ሓቢሮም ።

እቲ ዝተዘርገሐ ገንዘብ “ስደት መፍትሒ ድዩ፧ ተላዓል !” ዝብል ሓረግ ዝተጻሕፎ እዩ። ቀንዲ ዕላማ ናይዚ ሓረግ እቲ ህልዊ ኩነታት ሃገርና ጸንኪርዎ እግሩ ናብ ዝመርሖ ካብ ሃገሩ ዝስደድ ዘሎ መንእሰይ ኮይኑ። ዘይሕጋዊ ስደት ናብ ሞትን ህልቂትን ዘምርሕ ድኣ እምበር ፍታሕ ዘምጽእ ከምዘይኮነ ብምዝኽኻር፡ ኤርትራዊ መንእሰይ ነዚ ስርዓት መኪቱ ሓርነቱ ኣብ ምውሓስ መሪሕ ተራ ንኽጻወት ዝተባብዕ እዩ። በዚ ዝተኻየደ ናይ “ናቕፋ ተዛሪቡ” ካምፐይን ዝተረበሸ ጉጅለ ህግደፍ ብፍርሕን ራዕድን ተዋሓጡ ከምዘሎ ከኣ እቲ ዝበጽሓና ሓበሬታ የረድእ። ነዚ ኣብነታዊ ፍጻሜ ዘካየዱ ኣባላት ዓርቢ ሓርነት ከም ወትሩ ሞራሎም ሓፍ ብምባል ንኻልእ ስራሕ ይዳለዉ ከም ዘለዉ ከኣ እቲ ካብ ኣስመራ ዝመጸና ሓበሬታ ወሲኹ የረድእ። በዚ ኣጋጣሚ ዓርቢ ሓርነት ንኹሎም ንለውጢ ዝንቀሳቐሱ ኣብ ውሽጢ ሃገር ዝርከቡ ተባዓት ኤርትራውያን ነዚ ሓሳብ ብምድጋፍ ብብወገኖም ከምኡ ክገብሩ ትጽውዕ

ካልእ ምስዚ ኣብዚ ዝተኣሳሰረ ዜና ፡ ዓርቢ ሓርነት ዝሓለፈ ሰሙን ወለዲ ነቶም ካብ ሳዋ ተመሊሶም ኣብ ገዝኦም ዝርከቡ ኣብላት 27 ዙርያ ዝኾኑ ደቆም፡ ናብ ሳዋ ንኸይመልስዎም ዝጽውዕ “ድቅና ኣበይ ኣለው” ዝተስምየ ናይ ቴለፎን መልእክቲ ናብ ኤርትራ ኣማሓላሊፋ ከም ዝነበርት ዝዝከር እዩ። ቀንዲ ዛዕባ ናይቲ መእኽቲ ከኣ ወለዲ ነቶም ድሮ “ደቅና ናብ ሳዋ ደጊምና ኣይንሰድድን” ብምባል እምቢትኦም ዘስምዑ ዘለዎ ከምኣቶም ወለዲ ብምድጋፍ ኣብ ጎድኖም ደው ክብሉን ንውልዶም ክኸላከልሎምን ዝጽውዕ እዩ ነይሩ።

ፕሮጀክት ዓርቢ ሓርነት ንኹሎም ብገንዘብን ብምኽርን ዝድግፍዋ ኤርትራውያንን ፈተውቲ ኤርትራን እንዳ ሞጎሰት፡ ደግፎኩምን ምኽርኹምን ከይፍለያ በዚ ኣጋጣሚ ደጊማ ተዘኻኽር።



26 ነሓሰ 2014

ፕሮጀክት ዓርቢ ሓርነት


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...