ናይ ጋዜጠኛ ዳዊት ይስሃቕ ጽሑፋት ክሕተም ኢዩ።

ንጋዜጠኛ ዳዊት ይስሃቕ ንምዝካርን ጉዳዩ ኣድህቦ ኽግበረሉ ምእንቲን፣ ኣብ ሽወደን ዝርከባ ዓበይቲ ኣብያተ ማሕተም ንዝተተርጎመ ጽሑፋቱ ኣሕቲመን ከቕርባ ምዃነን ተፈሊጡ። ጋዜጠኛ ዳዊት ይስሃቕ ብዘይ ፍርድን ክስን ን10 ዓመት ተኣሲሩ ይርከብ።

ቃል ውሃብ ናይዘን ኣብ ላዕሊ ዝተጠቕሳ ኣብያተ ማሕተም ኣብ ዘውጽኦ ናይ ሓባር መግለጺ፣ “10 ኣብያተ ማሕተም ብምትሕብባር ብናይ ሽወደን ቋንቋ ዝተተርጎመ ጽሑፋት ከሕትማ እየን”፣ ክብል ኣብሪሁ።

ኣብ ኤርትራ ተወሊዱ ሽወደናዊ ዜጋ ዝኾነ ዳዊት ይስሃቕ፣ ብመስከረም 2001 ናይ ኢትዮጵያ ሰላይ ኢኻ ተባሂሉ፣ ምስ ደርዘን ዝኾኑ ወነንቲ ጋዜጣታት ኣሰናዳእትን ጋዜጠኛታትን ኢዩ ተኣሲሩ።

ዳዊት ይስሃቕ ኣበይ ቦታ ተታሒዙ ከምዘሎን ብስድራ ቤቱ ይኹን ኣዕሩኽቱ ክርከብ ዝኽእል ድሃይ የልቦን። ናይ ሽወደን መድያ ግን ኣብ ጥቓ ኣስመራ ዝርከብ ዒራዒሮ ዝበሃል ዝለዓለ ጸጥታ ዘለዎ ኣብያተ ማእሰርቲ ይርከብ ኢሉ ብምባል ንሓደ ኣብኡ ዋርድያ ዝነበረ ጠቒሶም እዮም። ኣብዚ ጥቕሲ እዚ ዳዊት ኣብ ሕማቕ ናይ ጥዕና ኩነታት ከምዝርከብ ኢዩ ተገሊጹ።

 

እዚ ብሰኑይ 23 ነሓሰ ዝወጸ ናይ ሓባር መግለጺ ከምዝብሎ “ዳዊት መሰረታዊ ሰብኣዊ መሰሉ ተገፊፉ፣ ኣብ ቤት ፍርዲ ኣይቀረበን፣ ከምኡ’ውን ናይ ጠበቓ ምህላዉ መሰሉ ኣይተኸብረን” ኢሉ። ብተወሳኺ “እዚ ሽወደናዊን ኣውሮጳዊን ዜጋ ጋዜጠኛ ጥራሕ ኢዩ ኣብ ዓለም ብኸምዚ ኣገባብ ዝተሓዝ ዘሎ” ክብል ገሊጹ።

ኣብ ሽወደን ዝርከቡ ኣባላት ናይ ዜና ማዕከናትን ንጡፋት ደሞክራሲያውያን ሓይልታት ዳዊት ክፍታሕ ብዙሕ ግዜ ሓቲቶም ኢዮም። ናይ ሽወደን ናይ ወጻኢ ሚኒስትሪ ድማ ብዲፕሎማሲያዊ ኣገባብ ነጻ ንክኸውን ፈተነታት እንተኣካየዱ ኣይሰለጦምን።

ናይ ሽወደን ኣብያተ ማሕተም መጻሕፍቲ ናብዚ ውሳነ እዚ ንክበጽሑ ዝደረኾም ምኽንያት ክገልጹ እንከለዉ እቲ ጉዳይ ምስ ናይ “ንናይ ሳልማን ራሽዲ 'ናይ ገሃነም ጥቕስታት' ኣብ ጀርመን ምሕታም” ኣወዳዲሮሞ። ኣብቲ እዋን እቲ፣ ናይ ኢራን ኣዮቶላ ሩሆላ ኾሚኒ ኣስላም እንግሊዛዊ ዜጋ ንዝኾነ ደራሲን ኣሕተምትን ንኽቐትሉ ፈትዋ ድሕሪ ምእዋጁ እዮም እቶም ጀርመናውያን ኣብ ናይ ምሕታም ውሳነ በጺሖም።

“ተስፋ፤ ፍቕሪ ሙሴን ማናን ካልእ ጽሑፋትን” ዘርእስቱ ናይ ዳዊት መጽሓፍ፣ ብመሰከረም 23 ዝካየድ ኣብ ዪቶቦሪ ናይ መጻሕፍቲ አክስፖ ክወጽእ ምዃኑ ኣሕተምቲ ገሊጾም።

እቶም ኣብዚ ናይ መጀመርታ እዋን ዝተገብረ ናይ ዳዊት ይስሃቕ ጽሑፋት ናብ ሓደ አውሮጳዊ ቋንቋ ምትርጓም ዝተሳተፉ ብሕራይ እዮም ሰሪሖም ድሕሪ ምባል፣ ናይቲ መጽሓፍ መሸጣ ኣታዊ ድማ ንጋዜጠኛ ክኸውን ምዃኑ ብተወሳኺ ኣብሪሆም።

ተርጎምቲ መጽሓፍ
መሓሪ ኣብርሃም & ኣልኣዛር ሓጎስ
ገበር፤ ሳራ ኣር፣ ኣሰዶ
300 ገጽ
ISBN 978-91-85849-46-8
ሕታም መስከረም 2010

 


Help Andom, an Eritrean-American, get elected to Congress by donating at  andomforny.com/donate 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...