ኤርትራውያን ንጉዳይ ዲሞክራሲ ሕምረት ጌሮም ዘካይድዎ ቃልሲ ዝድህስስ ኣህግራዊ ርክብ ኣብ ቦሎኛ ኢታሊ ካብ 30 ነሓሰ ክሳብ 1 መስከረም 2013 ክካየድ’ዩ።

ስምረት ኤርትራውያን መንእሰያት ንለውጢ (ስ.ኤ.መ.ለ.) ንኩሎም ውልቀ-ሰባትን ጉጅለታትን ኣብዚ ነጻ ክፉት ዘተ ንክሳተፉ ንህሉው ኩነታት ተቓወምቲ ሓይልታትን መጻኢ ዕድል ሃገርናን ክዝትዩ ጻውዒት የቕርብ። “ንሕና ዝኾነ ሰብ ነጻ ኮይኑ ኣብዚ ኣጋጣሚ ክሳተፍ ኢና ንደሊ፣ ስለዚ ብሓባር ኮይና ፍታሕ ንምንዳይ ከኣ ከኽእለና’ዩ” ይብል ሓደ ኣባል ናይታ ካብ ዝተፈላለዩ ጉጅለታት ዝወጸት ወዳቢት ኮሚተ።

እዚ ርክብ ቦሎኛ፡ ኪኖ ውዳበን ክትዕን ብምሕላፍ፡ ብሕብረት ሓደ ዝተጨበጠ ለውጢ ንምምጻእ ንቃልሲ ኣንጻር መላኺ ስርዓት ናብ ዝለዓለ ደረጃ ንምስጓሙን መስርሕ ዲሞክራሲ ንምስሳንን ዝዓለመ ክኸውን’ዩ።

ቀንዲ ዕላማታት ርክብ ቦለኛ ሰለስተ’የን፡-

1.      ዓቕሚ ተቓወምቲ ሓይልታት ምሕያልን ካብ ዝኾነ ጣልቃ ደጋዊ ሓይልታት ነጻ ንክኸውን ምርግጋጽ።

2.     ንኡስ ወለዶ መሪሕ ተራ ንክጻወት ምሕያል

3.     ኣብ ውሽጢ ኤርትራ ዝርከቡ ተሓለቕቲ ዲምክራሲ ስጉምቲ ክወስዱ ምትብባዕ

ታሪኽ ከተማ ቦሎኛን ኤርትራን

ፈስቲቫል ቦሎኛ ኣብ 80ታትን 90ታትን ካብ ዝተፈላለየ ኩርንዓት ዓለም ዝመጽኡ ብኣሽሓት ዝቁጸሩ ኤርትራውያን ነቲ ነጻነት ንምምጻእ ኣብ ሜዳ ኤርትራ ኣንጻር ግዙፍ ሰራዊት ደርግ ዝቃለስ ዝነበረ ሓይሊ ንምድጋፍ ዝራኸቡላ ቦታ’ያ ኔራ።

ኣብዚ ኤርትራዊ ሓበንን ተኣማንነት ኣብ ዘሰክፍ ደረጃ ወሪድሉ ዘሎ እዋን፡ ተቓዋሚ ሓይሊ ድኹምን ዘይጡርኑፍን ኣሎ፣ እቲ ዝበዝሐ ኣጽቂጡ ዝዕዘብ ጌና ኣጽቂጡ ኣሎ። ነቲ ኣብ ውሽጢ ኤርትራ ስለ ዲሞክራሲ ዝንቀሳቐስ ሓይሊ ብርኡይ ወይ ዝተወደበ መንገዲ ክሕግዝ ኣይክእልን ኣሎ። ነዚ ኩነት’ዚ ንምቕያር ከኣ ናትና ሓላፍነት’ዩ። ዲሞራሲያዊ ክብሪን ነጻነት ሱር-ተከላዊ ምንቅስቓሳትን እናዓቀብና፡  ታሪኻዊ ቅያ ቦሎኛ ዳግማይ ኣበራቢርና ቃልስና ኣንጻር ጨፍላቒ ስርዓት ተበራቲዑ፡ ነብሰ-ተኣማንነትን ተስፋን ዳግማይ ኣብ ህዝብና ከስርጽ ትጽቢት ይግበር።

ምዝገባ፡-

ምዝገባ ተኸፊቱ ኣሎ። ክትሳተፉ ትደልዩ ግዱሳት ኣብ መርበብ ሓበሬታ http://goo.gl/peMhw ብምኻድ ክትምዝገቡ ትኽእሉ። ቅድሚ ሓምለ 25 እንተተመዝጊብኩም EUR 95 ጥራሕ ክትከፍሉ ክትሕተቱ ኢኹም። ድሕሪ ሓምለ 25 ግን እቲ ዋጋ ናብ EUR 110 ክብ ክብል’ዩ። እዚ ዋጋ’ዚ ናይ ኮንፈረንስ ዋጋ፡ ክልተ ምሳሕ፡ ሓደ ድራር፡ ቡንን ኣብ ዓርቢን ቀዳምን ዝግበር ካልእ መዘናግዒታት ክሽፍን’ዩ።

ድሕረ-ባይታ

ህዝቢ ኤርትራ፡ ኣብ ትሕቲ ጨቋኒ ስርዓት ኢሳያስ ኣፍወርቂ ይመሓደር ኣሎ። ኣብ ዓለም ብደረጃ ጨቋኒ ምሕደርኡ 2ይ ደረጃ (ድሕሪ ሰሜን ኮርያ) ይስራዕ። ነጻነት ኤርትራ ካብ ዝጓናጸፍ ልዕሊ 20 ዓመታት ሓሊፉ’ሎ፡ እታ ሃገር ግን ክሳብ ሕጂ ብሓደ ሰልፊ ጥራሕ ትመሓደር ኣላ። ገባቲ ስርዓት ኢሳያስ ነታ ሃገር ናብ ፍጹም ተነጽሎ ብምምራሕ ኣብ ዓለምና ዝደኸየትን ዝተጨቆነትን ሃገር ከምትኸውን ጌርዋ ኣሎ። ሓደ ካብቲ ረባሺ ብመንገዲ ው.ሕ.ሃ. ዝወጽአ ዜና፡ ላዕለዎት ሓለፍቲ ሰራዊት ህግደፍ ኣብ ንግዲ ሰብን ህዋሳት ኣካላት ዕሸላት ኤርትራውያንን ብንጥፈት ይዋስኡ ምህላዎም’ዩ። እቶም ቀንዲ ግዳያት ናይዚ ድማ ነቲ ስርዓት ዝቃወሙን ዕቑበኛታትን ኢዮም።

ስምረት ኤርትራውያን መንእሰያት ንለውጢ (ስ.ኤ.መ.ለ.)፡ ኣብ ወጻኢ ሃገራት ዝመደበሩ ናይ መንእሰያት ምንቅስቓስ ኮይኑ ኣብ ኤርትራ ዲሞክራስን ፍትሕን ንክሰፍን ኣንጻር ጽልዋ መላኺ ስርዓት ዝቃለስ ጥርናፈ’ዩ።

ርኸቡና፡-

ስምረት ኤርትራውያን መንእሰያት ንለውጢ (ስ.ኤ.መ.ለ.) Eritrean Youth Solidarity for Change (EYSC)
Email: This email address is being protected from spambots. You need JavaScript enabled to view it.
Facebook: http://www.facebook.com/groups/eritreanyouth
Website: www.eysc.net


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...