... ብጽቡቕ ናይ ክትዕን ምርድዳእን መንፈስ ይቕጽል ኣሎ፡፡

ሰክሬታርያ ሃገራዊ ጉባኤ ንደሞክራስያዊ ለውጢ፡ ጉባኤ ብዝሃባ ሓላፍነት መሰረት ነብሳ ብግቡእ ወዲባ ንጉባእተኛታት ኣብ 7 ናይ ክትዕ መድረኻት (ዎርክ ሾፓት) ብምክፍፋል፡ ከተካትዖም ውዒላ፡፡ በዚ መሰረት ድማ ጉባእተኛታት ቅድም ክብል ብዝጸደቐ ኣጀንዳታት መሰረት ኣብ ሸውዓቲኡ ናይ ክትዕ መድረኻት ( ዎርክ-ሾፓት) ዓሚቕን ደሞክራስያውን ክትዓት ከካይዱ ውዒሎም፡፡

ሰክሬታርያ ሃገራዊ ጉባኤ ንደሞክራስያዊ ለውጢ መስርሕ ሃገራዊ ጉባኤና ብስሉጥን ዕዉትን ኣገባብ ንምስልሳል ብዝሓንጸጸቶ መምሒ መሰረት ድማ ኣብዚ ጉባኤ’ዚ ክዝተየሎም ብቐደም ተኸተል ዝተታሕዙ ወረቓቕቲ ኣብ መኣዲ ዘተ ብምቕራብን ንኣሳልጦ ዝሕግዙ ኣገባባት ብምኽታልን፡ ከምኡ’ውን ጉባእተኛታት ክትዓቶም ዘካይድሉ ደሞክራስያዊ መድረኻት ብምጥጣሕ ጉባኤና ኣብቲ ዝተታሕዘሉ ናይ ግዜ ሰሌዳ ብዓወት ንክዛዘም ጻዕርታት ተካይድ ኣላ፡፡

በዚ መሰረት ጉባእተኛታት ኣብ ናይ ቅድሚ ቀትሪ ናይ ዘተ መድረኽ፡ ኣብ ንድፊ ፖለቲካዊ ቻርተር ሓድሕድ ናይ ምቅብባል መንፈስ ዝዓሰል0 ዓሚቕ ክትዓት ብምክያድ ኣብ መብዛሕቲኡ ነጥብታት ናይቲ ንድፊ ኣብ ምሉእ ምትዕግጋብ ክበጽሑ እንከለዉ፡ ገለ ገለ ሓባራዊ ውሳኔ ዘድልዮም ጉዳያት ድማ ተጸሚቖም ናብ ሰክሬታርያ ጉባኤ ክቐርቡን ኣብ መወዳእታ ካኣ ሓባራዊ ውሳኔ ክግበረሎምን ብምርድዳእ ናይ ንድፊ ፖለቲካዊ ቻርተር ክትዖም ብዓወት ዛዚሞም፡፡

ጉባኤኛታት ኣብ ናይ ድሕሪ ቀትሪ ምይይጦም፡ ኣብ ንድፊ ፖለቲካዊ ሰነድ ሃገራዊ ጉባኤ ንደሞክራስያዊ ለውጢ፡ ማለት ንድፊ መሪሕ ሓሳብ (Road map) ዓሚቕ ምይይጣት ኣካይዶም፡፡ ኣብዚ’ውን ብተመሳሳሊ መንገዲ ዳርጋ ኣብ መብዛሕቲኡ ነጥብታት ኣብ ምሉእ ምትዕግጋብ ክብጻሕ እንከሎ፡ ገለ ውሱናት ኣካታዕቲ ነጥብታት ድማ፡ ብሴክሬታርያ ጉባኤ ተጸሚቖም ክቐርቡን ሓባራዊ ውሳኔ ክብጻሓሎምን ተረዳዲኦም ኣለዉ፡፡ ኣብዚ ናይ ድሕሪ ቀትሪ ምይይጣት ካብቲ ናይ ቅድሚ ሕጂ ብዝያዳ ልዑል ናይ ምትዕግጋብን ምቅብባልን መንፈሳት ዝተንጸባረቐሉ ኮይኑ፡ ጉባእተኛታት እዚ ታሪኻዊ ጉባኤ’ዚ ብዓወት ክጽንበል ልዑል ጻዕርታት የካይዱ ከምዘለዉ የነጽር፡፡ ንመስውርሕ ጉባኤና’ውን ዝያዳ ስሉጥ ክኸውን ኣስተዋጽኦ ነይርዎ እዩ፡፡

መብዛሕቲኤን ዎርክ-ሾፓት ነቲ ዝተመደበለን ናይ ንድፊ ፖለቲካዊ ቻርተርን ንድፊ መሪሕ ሓሳብን ምይይጣት ኣብቲ ዝተመደበሉ ግዜ ክዛዝማ ብምኽኣለን ኣማስይኡ ናይ ንድፊ ሕጊ-ህንጻ ኣርእስቲ ብምኽፋት ክትዐን ይቕጽላ ኣለዋ፡፡ እተን ዝተረፋ ሒደት ጉጅለታት ድማ፡ እቲ ዝተመደበለን ናይ ንድፊ ፖለቲካዊ ቻርተርን ንድፊ መሪሕ ሓሳብን ምይይጣት ተሪፉ ኣብ ዘሎ ግዜያት ኣጻፊፈን ኣብ ንድፊ ህንጻ ሕጊ ዝግበር ዘተ ኣብ ተመሳሳሊ ዕለት ብዓወት ክዛዝማ ትጽቢት ይግበር፡፡

 

ኮሚቴ ዜና  ሃገራዊ ጉባኤ

ንድሞክራስያዊ ለውጢ

26-11-2011


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...