ዝሓለፈ ዓርቢ ማለት 11/11/11 ዓ.ም ንአብ ውሽጢ ኤርትራ ዝነብር ህዝብና ነቶም አብ በረኻ ሲናይ ዝሃለቑን ገና ዝሃልቁ ዘለው ደቁ ናይ ሓዘን ምሸት ገይርሎም ንኸምሲ ምጽዋዕና ይዝከር። እዚ ጻውዒት በቲ ኩሉመዳያዊ ስመረት ንምውጋድ ስርዓት ህግደፍ ኢሉ ተላዒሉ ዘሎ ደምበ ደለይቲ ፍትሕን ዲሞክራስን ዓቢ ጎስጓስን ጻዕርን እዩ ተኻይዱሉ። ነቲ ብሰንኪ ጨካን ስርዓት ህግደፍ ሪዒዱን ተምበርኪኹን ዘሎ ህዝብና ርእሰ ተአማንነት መሊሱ አካል ናይዚ ናይ ለውጢ ሓይሊ ንምግባሩ ዝተገብረ ውሕሉል ስርሒት ድማ ብዓወት ከምዝተዛዘመ ካብ ውሽጢ ዓዲ ዝረኸብናዮም ጸብጻባት ይሕብሩ።

ሓደ ብቶታሊታርያን ሚሊታሪዝም ዝመሓደር ህዝቢ አብ ሓደ ለይቲ ናዕቢ ወይ ተቓውሞ ከልዕል ከምዘይክእል ፉሉጥ ኮይኑ፣ እቲ ዝተገብረ ናይ ሓዘን ምሸት ጻውዒት ንህዝብና አብ ሓደጋ ንኸይአቱ አብ ግምት ዘእተወ እዩ ኔሩ። አብ መላእ ዓለም ዝነብሩ ኤርትራውያን ንቤተሰቦም የዕሩኽቶምን ማሓዙቶም እንዳደወሉ አብ ርእሲ ዝገበርዎ ጻዕሪ ብተወሳኺ ንብአማኢት ዝቑጸራ መንበሪ ገዛውቲ ብሃንደበት ብምድዋል ነዚ አስካሕካሒ አብ መንእሰያት ኤርትራ ዝወርድ ዘሎ በደል ድሕሪ ምዝርዛር አብዚ ናይ ሓዘን ምሸት ሽምዓ አብሪሆም አብ ቤቶም ንኸምስዩ ጻውዒት ተገይርሎም።

አብቲ ሃንደበት ዝግበር ዝነበረ ናይ ተሌፎን ምድዋል አብ ውሽጢ ዝነብር ህዝብና ነቲ መልእኽትና ብጽሞና ይሰምዓናን አወንታዊ መልሲ ይህበና ምንባሩ ንፍናን ቃልስና ዘበራበረ ተርእዮ ስለዝኾነ ከይጠቐስናዮ ክንሓልፍ አይንደልን። ሓደ ሓደ ውልቀሰባት ብዘይ ፍርሒ ስሚዒታቶም ክገልጹ እንክትሰምዕ ህዝብና ማዕረ ክንደይ ለውጢ የድልዮ ምህላው ይበርሃልካ። ነዚ ኮይኮነ አይተርፍን ቡዙሓት ስድራ ቤታት አብ ቤተን ሽምዓ አብሪሀን ከምስያ እንከለዋ፤ አብ ሓደ ሓደ ቦታታት መንእሰያት ተአኪቦም ሽምዓ አብሪሆም ከምዘምሰዩ ካብ እሙናት ምንጭታት ሓበሬታ ተረኺቡ አሎ።

ነዚ ፈላሚ ፈተነ ዕውት ንምግባሩ ኩሉ መዳያዊ ጻዕርታት ዘካየዱ ማዕከናት ዜና ብፍላይ ድማ ሬድዮ ኤረና፤ ከምኡውን ብፈይስ ቡክን ብፓልቶክን ነዚ መደብ ንምዕዋቱ ዝተቓለሱ ኤርትራውያን ንዝገበርዎ ጻዕሪ ከየሞገስናዮ ክንሓልፍ አይንደልን። ከምዚ ዓይነት ተመሳሳሊ ስጉምትታት እንዳወሰድካ ነቲ አብ ህዝብና ወሪዱ ዘሎ ራዕድን ፍርሕን ኪኖ ሓጹር ንምድርባዩ ሓጋዚ ስለዝኾነ አብ መጻኢ ብዕቱብ ክስረሓሉ አለዎ ድማ ንብል። እዛ ዝተገብረት አብ ሓጻር ጊዜ ዝተቐነባበረት ስርሒት አብ እዝኒ ሓለፍቲ ህግደፍ በጺሓ ከምዘሻቐለቶም’ውን ክፍለጥ ተኻኢሉ አሎ።

እዚ ከምዚ ኢሉ እንከሎ አባላት ማሕበር ኤርትራውያ መንእሰያት ንለውጥን ነበርቲ ቤይ ኤርያን ነቶም ግዳይ ሲናይ ዝኾኑ ኤርትራውያን ንምዝካር አብቲ ዕለት እቲ ናይ ሽምዓ ምሸት አዳልዮም አምስዮም። አብቲ ብዝኽሪ ሰማእታት ዝጀመረ ናይ ሓዘን ምሸት ነዚ አብ መንእሰያት ኤርትራውያን ዝወርድ ዘሎ ሽግራትን ንምእላዮም እንታይ ዓይነት ስጉምቲ ክውሰድ አለዎ አብ ዝብል ዛዕባ ሰፊሕ ምይይጥ ተኻይዱ። ሓደሓደ ተሳተፍቲ ስምዕታና አትሪርና ናብ መንግስቲ ግብጺ ብምቕራብ ነቲ ጉዳይ አብ ዝሓጸረ ጊዜ ጠጠው ከነብሎ አለና ክብሉ ርእይቶኦም ሂቦም። አድላዩ እንተኾይኑ አብ ዝሓጸረ ጊዜ ሰላማዊ ሰልፊ ተወዲቡ ንኽግበር’ውን ከም ርእይቶ ቀሪቡ።

እቲ አዝዩ ፉሉይን ንሞራል ህዝቢ ዘለዓዓለን ሓሳብ ግና እቲ ብገለ ክፋል አባላት ማሕበር ዝቐረበ እቲ ፍታሕ ንስርዓት ህግደፍ ብሓይሊ ምውጋዱ ጥራይ ስለ ዝኾነ ናብ ሜዳ ወሪድና ስጋብ ህይወት ንምኽፋል ድሉዋት ኢና ዝብል እዩ ኔሩ። እቶም በዚ አብ ልዕሊ አሕዋቶምን አሓቶምን ወሪዱ ብዘሎ ሞትን ግፍዕን አዝዮም ዝጎሃዩ መንእሰያት ዘርአይዎ ናይ ቃልሲ ወኒ ንኹሉ ሰብ ፍናን አብ ርእሲ ፍናን ወሲኹሉ ክበሃል ይከአል። አብዚ ሕጂ እዋን እዚ አብ ሙሉእ ዓለም ስመር ኢሉ ተላዒሉ ዘሎ ኤርትራዊ አብ ዝሓጸረ ጊዜ ለውጢ ከምጽእ ምኻኑ ድማ ምንም ዓይነት ምጥርጣራት የልቦን።

ስመርርር ሕቖ ህግደፍ ንኽስበር!

ክፍሊ ዜናን ሓበሬታን ኤርትራውያን መንእሰያት ንለውጢ

ቤይ ኤርያ- ካሊፎርኒያ


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...