ኣብ ሊብያ ምምላስ ዜጋታትን ስቅያትን ጉዳይ

ዝኸበርኩም ኤርትራውያን

የሕዋትናን ኣሓትናን ኣብዝተፈላለያ ሃገራት ዘጋጥሞም ዘሎ ሽግር ትስሕትዎ ኣይንብልን።  ብፍላይ ድማ ኣብ ሊብያ ዘጋጥምም ዘሎ ኢሰብኣዊ ኣተሓሕዛን ካብኡ ዝገደደ ድማ ስጋብ ንኤርትራ ናይ ምምላስ ዕድል ኣጋጢሙ እዩ።  ኣብዘን ዝሓለፋ ሒደት ሳምንታት ኣብ ሊብያ ዝርከቡ ኣባላት ኤምባሲ ኤርትራ ናብዘን ኤርትራውያን ተኣሲሮምለን ዘለው ቦታታት ብምብጻሕ መዝጊቦሞም ኣለው።  ቕድሚ ሒደት ኣዋርሕ ድሕሪ ኣባላት ኤምባሲ ተመሳሳሊ ምብጻሕ ምግባሮም ኤርትራውያን ካብ ሊብያ ናብ ስርዓት ህግደፍ ከምዝተመልሱ ዝዝከር እዩ።  ኣብዚ እዋን ድማ እዞም ኣብ መሓዩር ሊብያ ዝርከቡ የሕዋት ኣብ ከቢድ ሻቕሎት ከም ዘለው ክንሕብር ንደሊ። 

ካብ መጀመርታ ናይዚ ዓመት አትሒዝና ኣብ ዋሺንግተን ዲሲ ዝርከብ ናይ ሊብያ ኤምባሲ ክንራኸብ ጸኒሕናን አሎናን። በቲ ኩሉ ኤርትራዊ ዝገበሮ ጸቕጢ ኩነታት ናይዞም እሱራት ቁሩብ ንጊዚአኡ ተመሓይሹ እንተነበረ ንሓዋሩ ዝኾነ ፍታሕ ኣይተረኸበን።  ንሓዋሩ ዝኸውን ፍታሕ ንምምጻእ ኩላትና ነተን ኣብ ከባቢና ዝርከባ ናይ ሊብያ ኤምባሲ  እንዳደወልና ፍታሕ ንኽገብሩልና እጃምና ከነበርክት ብሽም እዞም ኣብ ሊብያ ተኣሲሮም ዘለው ጻዊዒት ንገብር።  እዚ ጻዊዒት ከም ናይ ውልቃዊ  ሓላፍነትና ወሲድና ፍታሕ ስጋብ ዝግበረሎም ድካምና ከይጸብጸብና ክንድውልን ክንጽሕፍን ንላቦ። ስልኪ ቁጽሪ ኣብ ዝተፈላለያ ከተማታት ዝርከባ ናይ ሊብያ ኤምባሲታት ኣብዚ ተወከሱ፡

http://www.libya-watanona.com/libya1/embassy.htm

ኣብዚ እዋን ኣስታት 180 ዝኾኑ ኤርትራዊያን ካብ ሰባሕ ንምዕራብ ኣብ እትርከብ ኣል-በራቅ ዝበሃል ቦት ኣብ ኣብ ትሕቲ መሪት፡ ንፋስ ዘየእቱ፡ እኩል መግብን መስተን ዘይብሎም ኣብ ክልተ ክፍሊ ተጨፍሊቆም ከምዘለው ንሕብር።  ካብዞም 180 እቶም 10 ትሕቲ ዕድመ ክኾኑ ከለው ገለ 3 ድማ ልዕሊ 50 ዝዕድሚኦም እዮም።  ካብኣቶም ኣስታት 35 ዝኮኑ ብሰንኪ ኩቱር ማሕረምቲ ኣብ ሕማቕ ኩነታት ክርከቡ ከለው 2 ኤርትራዊያን ድማ ተጨውዮም ምስ ተወስዱ ኣበይ ከምዘለው ሓበሪታ የልቦን። 

ሂወት የሕዋትናን ኣሓትናን ንምድሓን ኩልና ኢደይ ኢድካ ንበል።  Eritrean Youth for Change
380 Euclid Ave. #6
Oakland, CA 94610  
Email: This email address is being protected from spambots. You need JavaScript enabled to view it.
408-603-7040

ሓበሬታ፡ እዚ ጻዊዒት መቀጸልታ ነቲ ብሓልዮት ሰብኣዊ መሰላት ኤርትራ ዝተገብረ ምኾኑ ንሕብር። 

መሰል ስደተኛታት ክኽበር ምእንቲ ኣብቲ መሰልና ተኸቢሩሉን ንባዕልና ስደተኛታት ኮይንና ዝሰጎምናዮ መንገዲ ዘኪርና ብመትከል ናይ ስልኪ ምድዋልን ምክትታልን ደብዳበ ምጽሓፍን ፐትሽን ምግባርን ካምፐይን ነካይድ። ቅድሚ ሎሚ ኣብ ታሪኽ ሲቪካዊ ተግባራት ኤርትራውያን ኣብ ድያስፖሮ ብጉዳኣይ ብማልታ ተዓዊትና ኢና ሕጅውን ብጉዳይ ሊብያ ድሕር ዘይምባል። ኣዝማሪኖ