ህዝባዊ መጸዋዕታ፤ ንመጽናዕትን ንዘተን ዝሕግዙ ጹሓፋት ክትልግሱ

ኣሰናዳኢት ሽማግለ
ህዝባዊ መጸዋዕታ
ኣሰናዳኢት ሽማግለ ሃገራዊ ዋዕላ ንዲሞክራስያዊ ለውጢ

ሃገራዊ ዋዕላ ንዲሞክራሲያዊ ለውጢ ኣብዚ መድረኽ እዚ ስትራተጂካዊ ኣድላይነት ከም ዘለዎ ኩሉ ተቓላሳይ ህዝብና ዝጽበዮ ኢዩ። እዚ ዝኾነሉ ከኣ ህዝቢ ኤርትራ፡ ፖለቲካዊን፣ ስነ-ሓሳባውን፣ ሃይማኖታዊን፣ ባህላውን፡ ብሄራውን፣ ስናህሎን (ecology)፣ ኮታ ኩሉ ህዝቢ ብስምረት፡ ኣብ ሓደ ሓባራዊ ባይቶ ክምልሶም ዝግብኦም ዝተፈላለዩ ሕቶታት ተንጠልጢሎም ስለ ዘልዉ ኢዩ፡፡ እዚ ዋዕላ ብዕምቆት ክዝትን፡ መሰረታዊ መልሲ፡ ንሕቶታትናን፡ ንመሰላትናን፡ ንመገዲ ቓልስናን፡ ንመጻእናን፡ ክምልስ፡ ኣበርክቶ ናይ ነፍሲ ወከፍ ኤርትራዊ ኪኢላ የድሊ። ካብ’ዚ ተረድኦ ተበጊሳ፡ ኣሰናዳኢት ሽማግለ ሃገራዊ ዋዕላ፡ ኩሎም ኤርትራውያን ደረስትን፣ ጋዜጠኛታትን፣ ፖለቲከኛታትን፣ ወዘተ.. ኣብዞም ኣብ ታሕቲ ተመልኪቶም ዘለዉ ዓንቐጻት ብሙሉእ ወይ ብኸፊል ከምኡ’ውን ብፍሉይነት ንመጽናዕትን ንዘተን ዝሕግዙ ጹሓፋት ክትልግሱ ብትሕትና ትጽውዕ። ጽሑፋትኩም፡ ኣብ መደምደምታ፣ ናይ ኣፈታትሓ ሓሳባት ዘካተተ እንተድኣ ኮይኑ ዝበለጸ ይኸውን፡፡ ምርጫኡ ቋንቋታት ትግርኛ፡ ወይ ዓረብ፡ ወይ እንግሊዘኛ፡ ክጥቀም ይኽእል፡፡

ቀዳማይ ኣርእስቲ፡ ሃገራዊ ሓድነት፡

ሀ/ ትርጉም ሃገራዊ ሓድነት፡
ለ/ ታሪኻዊ ጽልዋ ኣብ መስርሕ ሃገራዊ ሓድነት፡
ሐ/ ጂኦግራፋዊ ጽልዋ ኣብ መስርሕ ሃገራዊ ሓድነት፡
መ/ መድረኽ ብረታዊ ተጋድሎ ሳዕቤናቱ ኣብ ሃገራዊ ሓድነት፡
ሠ/ ስርዓት ህግደፍ ዕንቕፋታት ኣብ መስርሕ ሃገራዊ ሓድነት፡ (እምነታት፡ መሬት፡ ቅዋም፡ ትምህርቲ፡ ቋንቋ፡ ስቪላዊ ኣገልግሎት፡ ሃገራዊ ኣገልግሎት፡ ናይ ወጻኢ ፖሊሲታትን ቁጠባን ፖሎቲካን
ረ/ ተቓውሞ ሓይልታት ኣብ መስርሕ ሃገራዊ ሓድነት፡
ሰ/ ብሄራዊ ቓልሲ ኣብ መስርሕ ሃገራዊ ሓድነት፡
ሸ/ ኣገዳስነት ሃገራዊ ዋዕላ ኣብ መስርሕ ሃገራዊ ሓድነት፡

ካልኣይ ኣርእስቲ፡ ክንውንኖም ዘሎና ኣገባባት ንዲሞክራሲያዊ ለውጢ፡

ሀ/ ንፖለቲካ፡ ዝምልከት፡
ለ/ ንዜና መዳይ፡ ዝምልከት፡
ሐ/ ንዲፕሎማሲያዊ መዳይ፡ ዝምልከት፡
መ/ ንህዝባዊ መዳይ፡ ዝምልከት፡
ሠ/ ንሰላማውን ጎነጽን መዳይ፡ ዝምልከት፡
ረ/ ካልኦት ተወሰኽቲ መሳርሒታት፡

ሳልሳይ ኣርእስቲ፡ ንመሰጋገሪ መድረኽ ክነረጋግጾም ዘሎና፡

ሀ/ ቅድሚ መሰጋገሪ ክግበሩ ዘለዎም ምድላዋት፡
ለ/ መሰጋገሪ መድረኽ፡
ሐ/ ዕማማት መሰጋገሪ መድረኽ፡
መ/ መስርሕ መሰጋገሪ መድረኽ፡

ጽሑፋትኩም፡ ቅድሚ ሚያዝያ 30.04.2010፡ ብኢንተርነት፡ This email address is being protected from spambots. You need JavaScript enabled to view it. ወይ ብኣድራሻ፡ P.O. 1143 (1110) Addis Ababa Ethiopia ክበጽሑ ነተሓሳስብ።

ንእሽቶ ተግባር ንሓደ ቃል ወይ ሓደ ንሓሳብ ኣብ ግዙፍ ፍጻሜታት ይቕይር!!
ኣሰናዳኢት ሽማግለ
ኤርትራዊ ሃገራዊ ዋዕላ ንዲሞክራሲያዊ ለውጢ