![[AIM] Asmarino Independent Media](/images/logo/ailogo.png){kind=logo}
ሓበሬታ ብዛዕባ ኣብ ኦስሎ ታሓሲቡ ዝጸንሐ ሰላማዊ ሰልፊ
እቲ ንሰሉስ ዕለት 13 ሚያዝያ ብተቓወምቲ ውድባትን ሲቪካዊ ማሕበራትን ኣብ ኦስሎ ኖርወይ ክግበር ተመዲቡ ዝጸንሐ ሰላማዊ ሰልፊ፡ ናብ ካልእ ግዜ ከነመሓላልፎ ከም ዝወሰንና ክንሕብረኩም ንፈቱ፡፡
ነዚ ስጉምቲ`ዚ ንኽንወስድ ዘገደደና ምኽንያት ከኣ፡ ፖሊስ ብሃንደበት፡ ንሕናን ህ.ግ.ደ.ፍን ኣብ ሓደ ቦታን፡ ኣብ ሓደ ስዓትን፡ ሰላማዊ ሰልፊ ክነካየድ ከምዘይጥዕም ድሕሪ ብምሕባር፡ ድሒርና ፍቓድ ዝሓተትና`ውን ንሕና ብምንባርና፡ ንዓና ንሰለስተ ስዓት ቅድሚ ህ.ግ.ዲ.ፍ ወይ ድሕሪኦም መደብና ንኽንቅይር ስለ ዝሓተቱና እዩ፡፡
እቲ ክግበር ዘለዎ ለውጢ ምስቲ ናትና መደባት ክወሃሃድ ብዘይምኽኣሉ ከኣ ኢና፡ ናብ ካልእ ግዜ ከነመሓላልፎ ተገዲድና ዘሎና፡፡ ብዝኾነ እቲ ኣብ ሓጺር እዋን ንኽንገብሮ ንምድብ ዘለና ሓድሽ ሰላማዊ ሰልፊ፡ ንማዓስ ምዃኑ ኣብ`ዚ ሓጺር እዋን ክንሕብር ስለ ዝኾንና ኣብ መርበብ ሓበሬታታት ተኸታተሉና፡፡
ነቶም ናብቲ ተመዲቡ ዝጸንሐ ሰላማዊ ሰልፊ ንምስታፍ ኢልኩም፡ ካብ ስራሕ ፍቓድ ዝሓተትኩምን መደባትኩም ዝቐየርኩምን ኣሓትን ኣሕዋትን፡ ተቓለስቲ ኩልኹም ይቕሬታ ንሓትት፡፡
በዚ ኣጋጣሚ`ዚ፡ ንኹሉ ዝሓስብ ኣእምሮ ዘለዎን!! ብህዝቡ ዝሓዝንን ዘስቆርቁርን!! ዘበለ ኤርትራዊ ኩሉ፡ ኣብ ጎኒ ህ.ግ.ዲ.ፍ ንኸይስለፍ ንላቦ፡፡ ብፍላይ ከኣ ንሓደስቲ ሓተቲ ዑቕባ ምስ ህ.ግ.ዲ.ፍ ምስላፍ ከቢድ ጠንቂ ከምጽኣሎምን፡ ዕድሎም ከበላሽወሎምን ከም ዝኽእል እንዳ ሓበርና፡ ከነጠንቅቕ ንፈቱ፡፡
ሲቪካውያን ማሕበራትን ተቓወምቲ ውድባትን ኣብ ኦስሎ ኖርወይ።
