ጋዜጣ ፍራንክፈርት ሩንድሻው (Frankfurter-Rundschau) ዝተባህለ ፍሉጥ ናይ ጀርመን ጋዜጣ  ኣብ ናይ ሎሚ ዕለት16.12.2009 ሕታሙ ኣብቲ ናይ ስፖርት ዓምዱ ብዓቢይ ኣርእስቲ ሃገራዊት ጋንታ ኩዕሶ እግሪ ኤርትራ ናብ ስደት ኣምሪሓ (Eritreas Fußball-Nationalmannschaft  der Flucht)  ብዝብል ኣርእስቲ ሰፊሕ ጽሑፍ ኣውጺኡ።          

እዚ ዜና እዚ ኣቐዲመ እኳ ሰሚዐዮ እንተነበርኩ ኣራኣእያ ናይቲ ጋዜጠኛ ንክፋልጥ ተሃወኽኩ። ጽሑፉ በቲ ዓላማይ ሃገራዊት ጋንታ ኩዕሶ እግሪ ኤርትራ ኣቶ ነጋሽ ተክሊት ኢዩ ዝጅምር። „ኣቶ ነጋሽ ተክሊት ዕድል ዝገበሮ ጋንትኡ ኣብ ዝመጽእ ዘሎ ወርሒ ዝግበር ናይ ኣፍሪቃ ካፕ ውድድር ይኹን ወይ ኣብ ናይ ዓለም ኩዕሶ እግሪ ውድድር ኣብ 2010 ኣብ ደቡብ ኣፍሪቃ ዘይምሕላፋ ኢዩ ይብል። ምኽንያቱ እታ ሃገራዊት ጋንታ ኩዕሶ እግሪ ኤርትራ ብምልእታ ናብ ስደት ስለ ዘምረሐት፤ እቲ ዓላማይ ብዘይካ ሓደ ተጻዋታይ ጋንትኡ ኢዩ ንሃገሩ ተመሊሱ“ ይብል።

እቶም ብተጻወቲ ምብራቕ ኣፍሪቃ „ኣግማል“ ተባሂሎም ዝጽውዑ ተጻወቲ ሃገራዊት ጋንታ ኩዕሶ እግሪ ኤርትራ ኣብቲ ኣብ ከንያ ዝተግብረ ውድድር ኩዑሶ እግሪ ምብራቕን ማእከላይ ኣፍሪቃን (Cecafa)፤ ኣብ ፊፋ-ሊስታ መበል 151(Fifa-List) እዛ ጋንታ ኤርትራ ምስ ታንዛንያ ዝተብረ ራብዓይ ዙር ኢያ ተሳዒራ ተፋኒያ። ምኽንያቱ እቶም ኤርትራውያን ተጻወቲ ኩዕሶ እግሪ ኣብ ክንዲ ምዕዋት ብኩዕሶ፤ ሓንጎሎም ብካልእ ሓሳባት ኢዩ ተመሊኡ ነይሩ ይብል። ኣብ መጨረሽኡ ሓደ እኳ ካብቶም 14 ተጻወቲ ንሃገሩ ክምለስ ኣብ ናይ ከንያ መዓርፎ ነፈርቲ ጆሞ ከንያታ ዝተረኽበ ኣይነበረን። ንኣስመራ ዝተመልሱ ዓላማይ ኣቶ ነጋሽ ተክሊት ምስ ካልኣዩ በዓል ስልጣን ጥራይ ኢዩ ነይሩ ይብል።

„እቲ ካብ ኩሉ ዘገርም ግን ሰበስልጣን መንግስቲ ኢሳያስ ኩሎም ተጻወቲ ሃገራዊት ጋንታ ኩዕሶ እግሪ ኤርትራ ብደሓን ናብ ሃገሮም ተመሊሶም፤ ኩሉ ካልእ ወረታት ግን ጸላእቲ ኤርትራ ዘውርይዎ ወረ ኢዩ ዝብል መግለጺ ይህቡ ምህላዎም ኢዩ“ ይብል።

ብኣንጻሩ ሓላፊ ውድድር ኩዑሶ እግሪ ምብራቕን ማእከላይ ኣፍሪቃን (Cecafa) ዝኾነ ኣቶ ኒኮላ ሙሶንይ ግን ኩሎም ተጻወቲ ሃገራዊት ጋንታ ኩዕሶ እግሪ ኤርትራ ኣብ ናይሮቢ ከምዝተረፉን ኣብ ሞንጎ ኣብ ናይሮቢ ዝቕመጡ ብዙሓት ኤርትራውያን ኣሕዋቶም ተሓቢኦም ከምዘለዉን ብወግዒ ንቢቢሲ (BBC) ሓቢሩ። እቲ ዘሕዝን ግን ንሓዋሩ ኤርትራ ምናልባት ዋላ ንሓደ ተጻዋታይ እኳ ንወጻኢ ምስዳድ ከይትኽክል ኢዩ በለ::

ካብዛ ካብ ዓለም ተጨውያ ትነብር ዘላ ሃገር ኤርትራ፣ እዚ ዓይነት ተርእዮ ንመጀመርያ ዝተፈጸመ ጉዳይ ኣይኮነ። ኣብ ጥቅምቲ 2004 ሰለስተ ተጻወቲ ኣብ ሱዳን ዑቑባ ሓቲቶም። አብ ግንቦት 2006 አርባዕተ ተጻወቲ ናይ ጋንታ ቀይሕ ባሕሪ ኣብ ናይሮቢ ተሪፎም። ኣብ መጋቢት 2007 ሽዱሽተ ተጻወቲ ሃገራዊት ጋንታ ኩዕሶ እግረ ኤርትራ ኣብ ኣንጎላ ዑቑባ ሓቲቶም። መንግሰቲ ኤርትራ ሽሕኳ ንወጻኢ ዝኸይድ ስፖርተኛ ክሳብ 5000€ ትሕጃ ከትሕዝ እንተሓተተ በዚ እውን እታ ሃገራዊት ጋንታ ኩዕሶ እግሪ ኤርትራ ጠጠው ክትብል ኣይካአለትን።

መወዳእታ ዘይብሉ ሃገራዊ ኣገልግሎትን ገደብ ዘይበሉ መጽቐጥትን ንስፖርተኛታት ጥራይ ዘይኮነ ንብዙሓት መንእሰያት ኤርትራ ናብ ስደት ከምዘምርሑ ገይሩዎም ኢዩ። ጸብጻብ ሕቡራት መንግሰታት ዓለም ከምዝሕብሮ ኣብ ዝሓለፈ ዓመት ጥራይ 62,000 ኤርትራውያን ሃገሮም ራሕሪሖም ናብ ስደት ከምዘምርሑ ይሕብር።

እቲ ቀንዲ ምኽንያት ዓመጸኛ ኣማራርሓ ኢሳያስ ኣፈወርቅን ሰዓብቱን ክኾኑ እንከለዉ፤ ፍትሕን ሕግን ሰላምን ዘይብላ ሃገር ንደቃ እኳ ክትከውን ከምዘይትኽአል ዘካትዕ ኣይኮነን። እቲ ዓቢ ሕቶ ንኩሉ ኤርትራዊ ግን እዚ ኩነታት እዝስ ክሳብ መዓስ ኢና ክንጻወሮ ኢዩ?

ርሑስ በዓል ልደትን

ዓወት ዝመልኦ ሓዲሽ ዓመትን


Help Andom, an Eritrean-American, get elected to Congress by donating at  andomforny.com/donate 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...