![[AIM] Asmarino Independent Media](/images/logo/ailogo.png){kind=logo}
ትጽቢት ካብ መንን ስለምንታይን፧
እንተኾነ ግን እቶም ኣሚኑ ኩሉ ክገብሩሉ ዝተጸበዮም ኣብ እዋን ብረታዊ ቃልሲ ኣብ ውድድር ስልጣን ኣትዮም ክቀናጸሉ ዝጸንሑን ጠቕሞም ቅድሚት ዝሰርዑን ስለዝኾኑ፤ ብዛዕባ መንግስቲ ናይ ምትካል ዝነበሮም ተኽእሎ ሓጺር ኣብ ርእሲ ምዃኑ ብሱሩ እውን ናብ መንግስቲነት ክሰግሩ እንከለው፤ እቲ ኣብ ቃልሲ እናተቓተሉ ዘምጽእዎ ስልጣን ምስ ህዝቢ ተሓዊሶም ሃገራዊ ክገብርዎ እንተደኣ ኮይኑ፡ እቲ ስልጣን ካብ ኢዶም ክሞሉቕ ምዃኑ ስለዝፈለጡ፣ ከምዘለናዮ ብዘይመንግስቲ ምንባር ይሓይሽ ብምባል ስልጣኖም ከይትጠፍኦም ክብሉ ሃገር ብዘይመንግስቲ የንብርዋ ኣለው።
እዞም ዓመጸኛታት እዚኣቶም ምርጭኦም ከምኡ ስለዝኾነ ደኣ ኢዮም ሃገር ረሚሶም ህዝቢ ዘጽንቱ ዘለው እምበር፡ ገለ ኣመት ናይ መንግስትነት ስለዘይፈልጡ’ውን ኣይኮኑን።
ብሕጽር ዝበለ ሓደ መንግስቲ ብውሕዱ ሂወትን ንብረትን ናይ ዜጋታት እናሓለወ ኣብ መንግስትነት ከም ዝነብር ደኣእምበር እናቐተለን እናዘመተን ኣብ ልዕሊ ሃገርን ህዝብን መንግስትነት ጌሩ ክነብር ዝከኣል ከምዘይኮነ ክጠፍኦም ኣይክእልን ኢዩ።
ኣብ’ዚ እዋን’ዚ እቲ ዘሎ ሃገራዊ ሽግርን ወጽዓ ህዝብን ኣብ ግምት ዘእተወ ህዝባዊ ምልዕዓል ግዜ ዝጠልቦ ጉዳይ መላእ ህዝቢ ኤርትራ ምዃኑ ፈሊጥና፡ ብኹሉ ዘለና ዓቕሚ ንድሕነት ሃገርን ህዝብን ክንብገሰሉ ኢዩ ዝግባእ።
ች
ኣቦታትና "ባዕለን ዝሰበሮኦስ ሓጺበን ከምዘንበራኦ" ከምዝብልዎ ጉዳይ ሃገርና ብድምጺ ኩላትና ክግበርን ክጽየቕን ኮይኑ እንተዝኸውን መምለሲ ኣንጎሎ ምረኸብናሉ፡ እንተ ሕጂ ግን እቶም ጸየቕቲ ንኸዐርይዎ’ውን ከቢድ ኢዩ። ካብ ጉዕዞ እንተዘይተማሂርካ ጌጋ ኣብምምድግጋም ኢኻ እትነብር። ካብ ታሪኻዊ ጉዕዞና እንረኽቦ ትምህርቲ እንተድኣተጠቒምናሉ ጌጋ ኣይክንደግምን ኢና። እቲ ሽግር ዝመልኦ ጉዕዞ ታሪኽና ድማ ዓቢ መምህር ኢዩ።
ስለ’ዚ ንሓርነታዊ ቃልስና ህዝባዊ ጌርና ኣብዛ እዋን እዚኣ ብስርዓት ዝግዛእ መንግስቲ እንተኽለሉ ኩነታት ክንፈጥር እንተዘይክኢልና ሓርነታዊ ቃልስና ክዳናጐ ወይ ዘይምኣዝኑክሕዝ ምዃኑ ንኹላትና ብሩህ ክኸውን ኣለዎ።
ዲሞክራሲያዊ መስርሕ ከኣ፡ ዲሞክራሲያውያን ዝኾኑ ባእታታት ምስዘካይድዎ ጥራይ ኢዩ ከምቲ ዝድለ ኮይኑ ክትግበር ዝኽእል። ዲሞክራሲያውያን ማለት ከኣ ኩላቶም እቶም ተሞክሮኣውን ግብራ ውን ኣተሓሳስባታት ኣብ ቃልሲ ህዝቢ ኤርትራ ዝውንኑን፡ ዲሞክራሲያዊ ኣታሓሳስባ ዘለዎም ምሁራትን ኢዮም።
ብመሰረት ኣበጋግሳ ብረታዊ ቃልስና ምስእንሓስብ፡ እቶም ዝጋደሉ ዝነበሩ ምእንቲ ህዝቢ ክስዋኡ፡ ብፍረመስዋእቶም ህዝቦም ኩሉክረክብ ዝብል መንፈስ ሒዞም ኢዮም ድማ ኩላቶም ሰማእታትና ሓሊፎም።
እቶም ዝሓለፉ ጀጋኑና ምስ እዞም ዝገዝኡና ዘለው ጠላማት ዝዛመድ ባህርያትን ኣታሓሳስባን ኣይነበሮምን። ጀጋኑና ካልኦት፡ ቀጥቀጥትና ድማ ካልኦት፡ ክልተ ክቀራረብ ዘይክእል ኣታሓስባ ዝውንኑ ኣካላት ድማ ኢዮም። ዲሞክራሲ ምስቶም ዝሓለፉ ስማእታትና ተቐቢራ ኢያ። ስለ’ዚ ንኹሉ ሓሲብና ሕጂ ንበገሰሉ።
ክብርን ዝኽርን ንስውኣትና
ዓወት ድማ ነቲ ደም ዝነብዕ ዘሎ ህዝብና
በላይ መስፍን ጀርመን
