ስርሓት መደበር፡ ኣዳነ መሽረፈት ዘመድ መንቀርቀር

ዳገት ውሻጠ ንዋት ምድሪቤት፡

ካብ በረካ ክሳብ ኣወል ቁም ነገራ ምእንቲ ክዝከር

በታ ነዋሕ እዝና እንዳ ስታር ባክስ ተ’ትስቀል፡

ምኣመኑዶ ፈረንጂ ዕማማ ተ’ዝፍቀድ።

ቡን ምስ ተቖልወት፡ ካብ ቅርዓት ክሳብ ኣፈፈት፡

ተኺኻ ምስ ጨነወት፡

ቲ’ዝነጉዕ መረቕ ንኸይብል ጨብረቕረቕ፡

ከየስተማሰለት፡ ዝሑልን ውዑይን ከይበለት፡ ብዓቐን እናመጠነት

ብሱልን ጥረን እናፈላለት ጽጽዮን ኩርኩሮን ንኸይደባለቕ፡

መቐነት’ያ መዛነቕ፡

ኣብርሀት ናይ መኣዲ ዓዘዘት።

ምስክር ኢደ ጥበብ፡ ሚዛን ምስ መቐረት

ደመት ፍልስፍና እሂንምሂን ዘማዕበለት

ምስጢራት ስታረት ናይ ውሻጠ መሰረት

ወግዒ ቐዳሞት ሰኒቓ ጽን ምብህሃል ዘማዕረገት፡

ኣብ ሎሚ በጺሓ፡ ኪኖ ገዛ ታኒካ ምሕባኣ፡ ፈሪሃዶ ሓኒኻ።

መኳንንቲ ዝመስሉ፡ ኣብ ኮምብሽታቶ ዝውዕሉ፡

ካልእ ከይመሃዙ ብመደበር ክሓፈሩ ምስ ተዓዘበትኮ’ያ፡

ሚዛን ብመርዓታ ካብ ንእዲ ሕጽኖታ ነፊጻ ዝሓከለት።

ሽዑ’ያ ሰኣን መሽረቕረቕ’ሲ ገባላ እንዳ’ባ ብሓዋወስቲ ዝተደናገረት፡ ጆብሮቕሮቕ ዝበለት።

መሽረቕረቕ ጠፍናቕ፡ ጥልቅዕቲ ጥውቕዋቕ፡

ከይቐጥን ዝቋቕ መዓዛ ንምድማቕ፡

ቡን ተቖልያ ምስ ተወቕጠት፡ መሰኽተቲ ዝኸውን ብልክዕ ምሰ’ብጽሐት

ተጸብያ ትውስኸላ፡ ተጸናትያ ትቕበላ፡ ጀበና ፈሊሓ ቅድሚ ምግንፋላ።

ኣብ መወዳእታ ዓቂና ኣዛኒቓ፡ ምስ ጭልቃ ተዓጢቓ፡

ንቡር ኣድሚቓ ንውዕሎ’ዛ ዓለም ዕዳጋ ስለዘልመደት ኣናግሃ፡

እነሆ ክሳብ ሎሚ ይበሃግ ነጸብራቓ።

ዳንኤል ተስፋዮውሃንስ ተ/ጊ 11/20/13