ቅሉዕ መልእክቲ ካብ ሓይሊ ዕማም ዋሽንግተን ዲሲ

እዚ ቅሉዕ ጻዋዒት’ዚ ንኩሉ ኤርትራዊ/ት ናይ ፖለቲካ ዕቁባ ብምሕታት፡ ብጽሑፍን ከምኡ'ውን ኣብ ቤት ፍርዲ ቀሪብኩም የማናይ ኢድኩም ሓፍ ኣቢልኩም ሚሒልኩምን ጢሒልኩምን ኣብ ሕቡራት መንግስታት ኣሜሪካ ናይ ምንባር ፍቃድ ንዝተለገሰልኩም ኣካላት ዝምልከት እዩ።

ናይ መንበሪ ፍቃድ ድሕሪ ምርካብኩም ኣብ ዝተፈላለየ ጉዳያት ምስ ኣካላት ስርዓት ህግደፍ ብምድንጋጽን ብምትሕብባርን ኣንጻር እቲ ዝመሓልኩምሉን ናይ መንበሪ ፍቃድ ንክትረክቡ ዘክኣለኩምን ጥርዓን ብተግባር ትሰርሑ ስለዘለኹም ብሕጊ ዘሓትትን ዘጠርዝን ጉዳይ እዩሞ ተቆጠቡ ዝብል ተደጋጋሚ መልእክትታት ሰዲድናልኩም ጸማም እዝኒ ሂብኩምና፡ ሕሉፍ ሓሊፍኩምውን ከምዚ ስእሉ ኣብታሕቲ ትሪእዎ ዘለኩምሓውና፤

    ታደሰ ዑቅባዝጊ

ኣብ ቀረባ ግዜ ግሪን ካርድ ዝረኸበ ኮይኑ፡ ከብቅዕ ብዘይ ሕፍረት ስእሉ ገቲሩ ኣብ ፌስቲቫላት ህ.ግ.ደ.ፍ. ቀንዲ ተዋስኣይ ከምዝነበረ ዝዝከር እዩ። ከምዚ ናይዚ ሓውና ዝተሓባበሩ ብዙሓት ምህላዎም ጭቡጥ ሰነድ ኣሎና፡ ሕጂ ድማ ስጉምቲ ክንወስድ ኣብ መድላው ኣሎና። ብዋጋ ህዝቢ ኤርትራ ምሽቃጥ ገበን ስለዝኾነ ድሕሪ ሕጂ ከምዘብቅዕ ክንገብሮ ኢና። እንተኾነ ካብ ህግደፍ እግርኩምን ኢድኩምን መርሓቕኩም እምበር፡ ንህግደፍ ኣምሊኽኩም ንህዝቢ ኤርትራ ክትጭፍልቁ ምሕሳብኩም ድርብ ገበን እዩ።

ኣብ ሓጺር ግዜ ብእውጅ መልክዑ ካብ ጌጋኩም ከምዝተኣረምኩም ብዕሊ ብጽሑፍ ንህዝቢ ኤርትራ ይቅርታ እንተሓቲትኩም ንጉዳይኩም ፍሉይ ጠመተ ክንገብረሉ ኢና፡ ከምአመልኩም እንተድኣ ብንዕቀትን ብድዓን ሪእኩሞ ግን ተሓተቲ ናይ ዘጋጥመኩም ጸገም ባዕልኻትኩም ምኻንኩም ክትፈልጡ ይግባእ።

ሓይሊ ዕማም ዋሽንግተን ድሲ።
08/11/2010