ኣብ ምጥርናፍ ስድራቤታት ዝሰርሕ ትካል ICRC ንኽልተ ኤርትራውያን ቆሉዑ ምስ ወላዲቶም ክጽንበሩ ገይሩ።

ሓንቲ ኤርትራዊት ኣደ ድሕሪ ሞት በዓልቤታ ንትሕቲ ዕድመ ደቃ ምስ ወላዲታ ንድሕሪት ገዲፋ ካብ ከተማ መንደፈራ ነቒላ ኣብ ሃገር ፈረንሳ ድሕሪ ምእታዋ ከም ዕጫ ሓያሎ ኤርትራውያን ብጸቕጢ ስነ ኣእምሮ እናተሳቐየት ክትነብር ድሕሪ ምጽናሓ ብሓገዝ ትካል icrc ደቃ ክትሓቁፍ ከምዝበቐዐት ተገሊጹ። እቶም ትሕቲ ዕድመ ዝኾኑ ቆልዑ ድሕሪ ሞት እታ እንኮ ናባይቶም ዝነበረት ዓባዮም ብተኣፋፊ ዝኾነ መንገዲ ናብ ኢትዮጵያ ድሕሪ ምስጋሮም‘ዮም ኣብኡ ዑቕባ ድሕሪ ምሕታቶም ብመንገዲ icrc ን unhcrን ናብ ወላዲቶም ናብ ፈረንሳ ክጽንበሩ ዝኸኣሉ። ዋሕዚ ስደት ኤርትራውያን ስደተኛታት ብኣዝዩ ኣስካሕካሒ ዝኾነ መንገድን ብኣሰካፊ ዝኾነ ቁጽርን ይቕጽል ኣብ ዘለወሉ እዋን ሓያሎ ስድራቤታት ይበታተና ከምዘለዋ ናይ ዕለታዊ ጸብጻብ ኮይኑሉ ኣብዘለወሉ እዋን ስርዓት ህግደፍ ግና ገና እቲ ጠንቂ ስደት ንኣመሪካን ካሎኦት ዝተፈላለያ መንግስታውያንን ዘይመንግስታውያን ትካላትን‘ዩ ከጸግዖ ዝፍትን ዘሎ።

ክልተ ፍሉጣት ጋዜጠኛታት ኢሳት ኣስመራ ኣትዮም

ክልተ ፍሉጣት ግዜጠኛታት ኢሳት ንኣብ መሬት ኤርትራ ዓሪዶም ንዘለዉ  ተቓወምቲ ሓይልታት ኢትዮጵያ  ምዕባለታቶም  ንምስናድ ኣስመራ ኣትዮም። ኢሳት ኣብ ናይ ዕለት 8 ጥሪ 2015  ፈነውኣ ከምዝሓበረቶ ፡ እቶም ጋዜጠኛታት  ኣስማቶም ጋዜጠኛ መሳይ ሞኮነን ከምእውን ጋዜጠኛ ፋሲል የኔኣለም  ከምዝበሃሉን ፡ ኣብ ኤርትራ ኣብ ዝጸንሕሉ እዋናት ድማ ኣብ ዶባት ኤርትራ ንዝንቀሳቐሱ ዘለዉ ተቓወምቲ ሓይልታት ኢትዮጲያ በጺሐሞ ንዘለዉ ምዕባለታ ብዓይኖም ብምርኣይ ክምዝግቡ ምኻኖም ካብ መርበብ ሓበሬታ ኢሳት ክርዳእ ተኻኢሉ ኣሎ ። ብዘይካዚውን ትብል መርበብ ሓበሬታ ኢሳት፡ እቶም ኣስመራ ኣትዮም ዘለዉ 2 ጋዜጠኛታት ተኽእሎታት እንተጋጢሙ ብዝዓባ ኣብ መጻኢ ንዝህሉ ናይ ኢትዮጵያን ኤርትራን ርክባት ምስ ሰበስልጣናት ኤርትራ ቃላምሕትት ከምዘካይዱ ውሲኻ እታ ብተቓወምቲ ኢትዮጵያ እትውነን ኣብ ውጻኢ ዝመደበራ ፍልጢ መርበብ ኢሳት ትገልጽ ።

እዞም 2 ጋዜጠኛታት ድሮ ኣስመራ ኣትዮም ፡ ከምድሌቶም ብነጻ ይንቀሳቐሱን ኣብዝደለይዎ ቦታታት ኤርትራ እናተዛወሩውን  እኺድዎም ዘሎ ስራሕ ይሰርሑ ከምዘለዉ ይገልጹ ። ብፍላይ ሓደ ካብቶም ጋዜጠኛታት ጋዜጠኛ መሳይ ኣብ ናይ ፌስቡክ ገጻቱ ኣብ ኣስመራ ዝተሳእሎ ስእሊ ብምግባር ኣብ ዘስፈሮ ጽሑፍ “ ኣስመራ ጥንታዊ ውቃብኣ ዘይቅሃመ ውቅብቲ ከተማ  ፡ኢሳት ኣስመራ ኣትያ ። ሰላማዊ ቃልሲ ብሰፊሕ እናተመዝገበዩ። ንጫካ ቤቶም ብምግባር ንሕውሃት ብሓይሊ ከጥፍኡ ኣብ ምድላዋት ንዘለዉ ሕይልታት ብኣካል ክንራኸቦም ኢና። ብምባል ካብ ኣስመራ መልእኽታቱ ኣመሓላሊፉ ኣሎ። ኣብ መወድኣታ ናይቲ ዜና ድማ ፡ ኣብ ዝመጽእ መዓልታት ወይ ሰሙናት ጸብጻብ ናይዞም 2 ጋዜጠኛታት ብስፊሑ ክዝርጋሕ ምዃኑ እታ መርበብ ሓበሬታ መብጽዓታታ ትኣቱ።

ካብዚ ሓሊፉ’ውን ጉዕዞ ናይዞም 2 ኢትዮጵያውያን ጋዜጠኛታት ብገለ ገለ ተቓወምቲ ኢትዮጵያውያን ከም ጅግንነት ይቖጽርዎ’ኳ እንተለዉ ፡ ኣብ ዝበዝሑ ኤርትራውያን ግን ዝተፈላለየ ስክፍታታ ፈጢሩ ይርከብ ። ከምዝፍለጥ ብድምሒት ዝፍለጡ ተቓወምቲ ኢትዮጵያ ድርዒ ህግደፍ ብምዃን ኣብ ውሽጢ ኣስመራ ብምእታው ንኤርትራውያን የበሰብሱ ካብ ዘለዉ ሓደዩ።

ኣብ ሃገራት ኤውሮጳ ምስ ህግደፍ ዝደናገጹ ከም ቶርጎምቲ ዝሰርሑ ኤርትራውያን ካብ ስርሖም ይባረሩ ኣለዉ።

ሎም ዘበን ጥራሕ ብመንገዲ ማእከላይ ባሕሪ ኣስታት ሰላሳን ሸውዓተን ሽሕ ኤርትራውያን ናብ ኤውሮጳ ከምዝሰገሩ ክግለጽ እንከሎ፣ መብዛሕትኦም ኣብ ጣልያን ብዘሎ ዘይምቹእ መነባብሮ፣ ናብ ሃገራት ጀርመን፣ ዴንማርክ፣ሽወደንን ኖርዋይን ዝኣመሰላ ሃገራት ዑቕባ ክሓቱ ድሕሪ ምጽናሕ፣ ንጉዳይ ስደቶም ብዝምልከት ቃለ መሕትት ክገብሩ ስለዝግደዱ ግድን ኤርትራዊ ቋንቋ ዝዛረቡ ቶርጎምቲ ኣብቲ ቦታ ተረኺቦም ክሰርሑ ክግበር ጸኒሑ። እንተኾነ ግና ሓያለ ምስ ህግደፍ ዝደናገጹ ቶርጎምቲ ነቲ ዝሃብዎ ቃል ብምጥምዛዝ ጉዳዮም ከም ዘበላሽውሎምን ገለ ገለ ቶርጎምቲ‘ውን ብጋህዲ ንመንግስትኹም ኣይተኽፍእዎ እናበሉ ከምዝህድድዎምን ሓያሎ ሓደስቲ ስደተኛታት የማርርሩ ኣለዉ። ነዚ ዝተገንዘቡ ሰበስልጣናት ሓያሎ ኤውሮጳውያን ሃገራት ነቶም ሕሉፋት ሰዓብቲ ህግደፍ ዝኾኑ ተርጎምቲ ካብ ስራሕ ይኣልዩዎም ኣለዉ። እቶም ቶርጎምቲ ካብዚ ሓሊፉ ኣብቲ መዓስከር ስደተኛታት ንዝረኸብዎም ኤርትራውያን ስደተኛታት ናብ ማሕበረኮም ምጹ ክንሕግዘኩም ኢና እናበሉ ናብ ህግደፍ ዘዳለዎ ፈንጠዝያታት እናወሰዱ ሓንጎሎም ብምሕጻብ ኣንጻር ረብሖኦም ክስለፉ ይገብርዎም ኣለዉ። እዚ ጥራሕ ከይኣክል‘ውን ንኽብሪ ታቦት ዘንጊዖም ኣብ ኦርቶዶክሳዊ ቤት ክርስትያናት ከይተረፈ ስደተኛታት ንጸሎት ኣምሲሎም እናዓደሙ ኣብ ክንዲ መጽሓፍ ቅዱስ፣ ፖለቲካዊ ኣጀንዳ ኣልዒሎም፣ ነቲ ቅዱስ ቦታ ከም መሳርሒ ውደባ ይጥቀምሉ ኣለዉ።

ፍሉይ መደብ

ትንሳኤ ዘህልዋን

ብኣራራት እዮብ

ትንሳኤ ዘህልዋን
ካብ ሓዊ ናይ ደብዳብ
ካብ ባሩድ ናይ ኲናት
ካብ ፍርሒ ናይ ጨካናት

ትንሳኤ ዘሕጻናት
ካብ ማህጸን ናብ ዕልልታ
ካብ ባህጊ ናብ መመላእታ
ካብ ፍቕሪ ናብ ህላወታ

ትንሳኤ ትንሳኤ
ካብ ብስራት ናብ ምሕቛፍ
ካብ ብኽያት ናብ ምእባድ
ካብ ደገፍ ናብ ምዕባለ
ካብ ፍልጠት ናብ ምርማረ

ትንሳኤ ናይ ዝዓበየ
ትንሳኤ ናይ ዝደለየ
ትንሳኤ ናይ ዘተዓደለ

EGO - ኣንነት

Join VoD

VoD is looking for highly motivated candidates to collect, draft, edit and present relevant news items from various sources exclusively but not limited to Eritrea and the rest of the Horn of Africa. Excellent writing skills in both English and Tigrinya, proficiency in using technology, and ability to scan social media are essential. The candidate should be an active listener, able to communicate with persons of interest, and share timely information with the public.

The Main objective of Voice Of Delina is to collect and disseminate economic, social and political developments pertaining to Eritrea and Eritreans at home and in the Erespora.

We are also determined to develop the media capacity by grooming the new generation of Eritreans to articulate the aspirations of our country.

We are particularly looking for candidates who are keenly interested to play an active role in helping foster peace and democracy in Eritrea.

VOLUNTEER INTERNSHIP OPENINGS

• Media Director/Program Coordinator
o manage the team
o prepare editorials
o make editorial decisions on programs to be broadcast
o edit other program contents

• Researchers
o research topics required for programming
o assist in drafting stories

• Writers and Editors
o draft a regular feature story
o assist in news preparation

• Anchor-Reader
o read program items
o assist in news preparation

• Sound Engineer
o arrange programs, add music and repackage programs for dispatch to the studio

• Translator from English into Arabic and Tigrinya (and, on a limited basis, Amharic)
o translate copy of stories into appropriate language for broadcast
o when necessary, read stories in correct language or dialect

To participate please send email to This email address is being protected from spambots. You need JavaScript enabled to view it.
Please provide your personal CV, Skype ID, telephone number and best time to call you.