ደስኪልካ እንደገና ትመክኽ እንደገና ትምዘዝ

ብድሕሪ ናይ ሕ.መ. እገዳ እቲ ስርዓት ኣብ ስግኣት ኣትዩ ኣሎ ይብሉ ምንጭታትና ካብ ኣስመራ። ታሪኻዊ ኣመል ኢሳያስ ኣብ ግዜ ሽግር ዝተጠቕመሎም ስልትታት ብምቕጻል ተኽሊጥን ምምዛዝን ናይ ቦታ ልውውጥን ጀሚሩ ኣሎ። ካብ ናይ ኮሎነል ተስፋልደት ሃብተስላሰ (ቤት ጽሕፈት ፕረሲደንት) ዝመሎቚ ከምዝሕብሮ ነዊሕ እዋን “ዝደስከሉ” ሰባት እንደገና “ተባራቢሮም” ኣገደስቲ ናይ ስራሕ ቦታት ከምዝሕዙ ይግበር ኣሎ። ምስዚ ተተሓሕዙ ክሰረሓሉ ዝጸንሐ ናይ ስራሕ ምልውዋጣት እውን ኣሎ።

ገለ ካብቲ ፍሉጥ ዝበሃሉ ለውጥታት፤ ናይ ዞባ ማእከል ኣማሓዳሪ ዝጸንሐ ተወልደ ቀላቲ ሚኒስተር ናይ ዓሳ ክኸውን እዩ ይበሃል ኣሎ። ናይ ጋሽ ባርካ ዝጸንሐ ካሕሳይ ገብረሂወት ድማ ናብ ዞባ ማእከል ኣማሓዳሪ ክቐየር እዩ ይበሃል።

“ደስኪሉ” ዝጸንሐ ገዲም ተጋዳላይን ዓቃበ ሕጊን ዝነበረ፣ ሙሳ ራብዓ፣ ከም ኣማሓዳሪ ናይ ጋሽ ባርካ ክኸውን እዩ። ሓላፊ ስፖርታዊ ጉዳያት ዝጸንሐ ብሪጋደር ጀነራል ተኪኤ “ብላታ”  ኣብ ሓደ ትሕት ዝበለ ናይ ሓይሊ ኣየር ምምሕዳር ተመዲቡ ኣሎ። ናይቶም 12 ተጻወትቲ ኩዑሶ ምህዳም ናይ ተኪኤ ካብ ፍቶት ናይ ፕረዚደንት ኣዛሕቲልዎ ኣሎ ይበሃል።

ናይቶም ካልኦት ተለዊጦም ኣለዉ ዝበሃሉ ሰባት ጸኒሕና ከንቕርቦ ኢና።

እዚ ምልውዋጥ ኣብዚኦም ጥራሕ ኣይተወሰነን። ናይ ዞባታት ምምሕዳር እውን ተተንኪፉ ኣሎ። ኣብ ኤርትራ፣ በርገሳዊ ምምሕዳራዊ ኣገባብ ጥራሕ ዘይኮነ ኣብ ልዕሊኡ ዝዝምቢ ወተሃደራዊ ምሕደራ እውን ኣሎ። እዚ ነቶም ወተሃደራት ኣብ ልዕሊ ሲቪላዊ ጉድያት ልዕልና ናይ ስልጣን ንኽህልዎም እዩ ተሰሪሑ። እዚኣቶም ሓሙሽተ ምምሕዳራት ጸኒሖም ሎሚ ግን ኣብ ሰለስተ ተጠቕሊሎም ይርከቡ። እዚእቶም ቀይሕ ባሕሪ (ሰሜንን ደቡብን ኣብ ሓደ)፣ ማእከልን “ደቡብ” ኣብ ሓደ፣ ጋሽ ባርካን ዓንሰባን ኣብ ሓደ።

ሓደ ሓደ ሰብ ስልጣን ከምዝብልዎ ምሕጻር ናይ ወተሃደራዊ ምምሕዳራዊ ኣካላት እቶም ፕረሲደንት ዝኣምኖም ጀነራላት ውሑዳት ስለዝኾኑ እዩ ይበሃል። ዝያዳ ምስረኸብና ኣስማት ናይቶም ምምሕዳርዊ ሓላፍነት ዝተዋህቡ ክንነግር ኢና።

ብተወሳኺ ብዕለት ጥሪ 11፣ 2010 ፕረሲደንት ኢስያስ ምስጢራዊ ርክብ ምስ ሙዕማር ኣል ቓዛፊ ከምዝገበረ ይንገር። እዝን ካልእን ብዝያዳ ምስተረጋገጸ ክወጽእ እዩ።


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...