ብኣብ ስዊዝ ዝነብሩ ኤርትራውያን፡ የእዕሩኽ ኤርትራውያን፡ ናይ ስዊዘርላንድ ማሕበራትን ዘይመንግስታውያን ትካላትን ንዜጋታት ስዊዘርላንድ ብዛዕባ ኤርትራ ዝምልከት ሓበሬታ ክወሃብ እዩ።

እቲ ሓበረታታት ንህዝቢ ስዊዝ ብዛዕባ ኤርትራ ዘለዎም ኣፍልጦ ክብ ንምባል፡ ካብ መስከረም ክሳብ ጥቅምቲ ኣብ ብዙሓት ዓበይቲ ከተማታት ስዊዘርላንድ፡ ኣብ ጀነቫ፡ ዙሪች፡ በርን፡ ሉዘርን፡ ሉዛንን ፍሪቦርግን ክወሃብ እዩ። ድሌት ኩሎም ሃገራውያን ድማ፡ ምስ ህዝቢ ስዊዝ ኣብቲ ዝካየድ ዘሎ ናይ ምርጫ ክትዓት ብዛዕባ ጉዳይ ኤርትራ ዝምልከት ንምዝርራብ እዩ።

እዚ ምርጫ ድማ ፖለቲካውያን ውድባት ንሃገርናን ዜጋታትናን ብሕማቅ ክጸሉ ብዝኽእል ፖለቲካዊ ስልጣን ክወስዱ የገድድ ኣሎ። እቲ ዝግለጽ ቀንዲ ምኽንያት ድማ ምስጓግ ኤርትራውያንን ኩነታት ስደተኛታት ኤርትራውያን ኣብ ስዊዝን እዩ። እቲ ዘሕዝን እዚ ኩነተት ተደጋጋምን ንጹር መበገሲ ሓሳባት ዘይብሉ፡ ፈጺሙ ንህሉው ኩነታት ኤርትራ ዘይገጽን እዩ። እዚ ሓሳባ እዚ ድማ  ሓደ ግዜ ኤርትራውያን ብቁጠባዊ ጸገም ዝተሰደዱ እዮም ክብሉ ጸኒሖም ብቲ ሓደ ድማ ዋሕዚ ስደተኛታት ንምዕጋት ንኤርትራ ናይ ቁጠባ  ሓገዝ ምግባር ናብ ዝብል መደምደምታ ይወስድ ኣሎ።

እዚ ዝተገብረ ክትዓት ብዙሕ ኣገሪሙና፡ ዝተማሃርናዮ ነገር እንተሎ ድማ ብዛዕባ ፖለቲካውን ማሕበራውን ኩነታት ሃገርና ክንገልጽ ዕድል ይኸፍተልና ምህላዉ እዩ።

ቀንዲ ዕላማ እዚ ምሃብ ሓበሬታ ከኣ ቀጥታዊ ናይ ምይይጥን ሓሳባት ምልውዋጥን፡ ምስ ህዝቢ ስዊዘርላንድን ፖለቲካውያን ውድባትን፡ ኣብ ህሉው ኩነታት ኤርትራ  መድረኽ ዝኸፍት እዩ። ልክዕ እዩ ሰበስልጣን ኤርትራ ንነዊሕ ዓመታት፡ ኣብ ልዕሊ መላእ ዜጋታት ኤርትራ እዚ ዘይበሃል ምግሃስ ሰብኣዊ መሰላት ፈጺሞም እዮም።

ኣብቲ ዝወሃብ ሓበረታና እቲ ቴማ ነዞም ዝስዕቡ ክገልጽ ክፍትን እዩ፣

Ø  ነቲ ብብዙሓት ፖለቲካውያን ውድባት ኣብዚ ክረምቲ ዝተዋሃበ ሓሳባትን መደባትን ዝትንክፍ።

Ø  ብዛዕባ ኣብ ኤርትራ ዘሎ እምባገነናዊ ስርዓትን ዝፍጽሞም ዘሎ ገበናት ኣንጻር ሰብኣዊ መሰላትን ( ግዱድ ስራሕ፡ ጾታዊ ባርነት(ዓመጽ)፡ ብዘይገበን ማእሰርቲ፡ ብዘይፍዲ ዝውሰድ ዘይቅኑዕ ፍርዲ )

Ø  ዘይሕጋዊ ንጥፈታት ናይ ኤርትራ ወኪል ወይ ቆንስል ኣብ ጀነቫ

 

በዚ ዝግበር ዘሎ ናይ ምርጫ ክትዓት ግዳያት ንኸውን ስለዘለና፡ ነዚ መድረኽ ከነዳሉ ተገዲድና!!!

 ‘’እቶም ኤርትራውያን ብቁጠባዊ ጸገም ተሰዲዶም ኢሎም ዝኣምኑ፡ ነቲ ኣብታ ሃገር ዝተፈጸመ ዘሕዝን ምግሃስ ሰብኣዊ መሰላት ይኽሕድዎ ይኽሕድዎ ኣለዉ።’’ ቃል ማይክ ስሚዝ፡ ፕረዚደንት ንጉዳይ ምግሃስ ሰብኣዊ መሰላት ኣብ ኤርትራ እተጻሪ ልእኽቲ ጉጅለ።


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...