ንኡስ ኮሚተ ኣስናዳዊ ህዝቢ ንዋዕላ ስዊደን

ንኡስ ኮሚተ ኣስናዳዊ ህዝቢ ንዋዕላ ስዊደን

ብንኡስ ኮሚተ ስዊደን

ሕዝቢ ኤርትራ፡ ድሕሪ ዝጸንሐን ዘሎን ፖለቲካዊ ምትህልላኻትን ሓጐጽጐጽን፡ ንመጀመርያ ግዜ ብመገዲ ዋዕላ ንድሞክራስያዊ ለውጢ ኤርትራውያን ይእከቡ ኣለዉ። ተኣኪቦም ድማ ብዛዕባ ሕሉፍን ህልውን ተመክሮኦም ብምዝታይ፣ ብፍላይ ብሰንኪ ኣረመናዊ ስርዓት፡ ኣብ ሕዝብን ሃገርን በጺሕዎ ዘሎ ከቢድ ናይ ምብትታንን ብርሰትን መንገዲ ተረዲኡ፡ ዘድሕነሉ ኩነታት ዘናዲ ፖሊቲካዊያን፣ በርገሳዊ፣ መራሕቲ ሃይማኖት፣ ግዱሳት ወልቀስባት፣ ምሁራትን ሙያውያንን  ኮታ ንኩሉ ወገናት ሕዝብና ከሳትፍ ዘኽእል ቀዳማይ ሃገራዊ ዋዕላ ንደሞክራስያዊ ለውጢ ንምክያድ ክግበር ዝጸንሐ ምድላዋት ንኩልና ብሩህ ኢዩ፡፡

በዚ መሰረት ድማ ንሕና ኣብ ሽወደን እንቕመጥ ኤርትራውያን ክንገብሮ ዝጸናሕና ምድላዋት ንምስታፍ  ዋዕላ ንደሞክራሲያዊ  ለውጢ ንምዝዛም ብዕለት 3 ሓምለ 2010 ናይ ሕዝቢ ኣኼባ ኣካዪድና፡፡

ኣብቲ ዝተገብረ ኣኼባ፣ ብመሰረት ንኡስ ኮሚተ ንሃገራዊ ዋዕላ፡ ዘቕረበቶ ጻብጻብ ድሕሪ ምስማዕ፡ ተሳተፍቲ ኣኼባ ወኪሎም ናብ ዋዕላ ንደሞክራሲያዊ ለዉጢ ንዝሳተፉ ዜጋታት፡ ብርእይቶ እታ ኮሚተ ንዝቐረበ ሓሳብ ብምድጋፍ ብናይ ሓባር ስምምዕ ነዞም ዝስዕቡ ሰለስተ ሕጹያት መሪጹ።

1. ኣቶ ሳሊሕ ሓዮቲ
2. ኣቶ ኸሊፋ ዖስማን
3. ኣቶ ገብረህይወት ወልደሚካእል

በዚ ኣጋጣሚ እታ ካብ ወርሒ ግንቦት 22 ፣2010፣ ብደረጃ ስዊደን ቆይማ ዝጸንሐት ንኡስ ኮሚተ ስራሓ ከምዝወደኤት እዉን በዚ ኣጋጣሚ ተፍልጥ።

ስቶክሆልም 10 ሓምለ 2010

አዋሃሃዲ ስራሕ
ፍስሓ ናይር