ህዝባዊ ኣኼባ፡ ከተማ ኦክላንድ

         ኣገዳሲ ህዝባዊ ኣኼባ፡ ብጉዳይ ሃገራዊ ዋዕላ ንደሞክራሲያዊ ለውጢ፡ ኣብ ቤይ-ኤርያ ከተማ ኦክላንድ ካሊፎርኒያ (Oakland California)

ሃገራዊ ዋዕላ ንደሞክራስያዊ ለውጢ ዓወት እምበር ካልእ ዘይሕፈሶ፡ ወሳኒ እምነ-መሰረት ደሞክራሲያዊት ኤርትራ እዩ፡ ካብ ዝብል እምነትን ዕግበትን ተበጊስና ኣብ ኦክላንድን ከባቢኣን እንነብር ግዱሳት ኤርትራውያን ነዚ ህዝባዊ ኣኼባ ንዕድም። 

ኲልኹም ብህዝብን ሃገር ኤርትራ እትግደሱ፡ ኣብ ቤይ-ኤርያ እትነብሩ መፍቀርቲ ፍትሒ ኤርትራውያን ንኽትካፈልዎ ንዕድመኩም። ህዝባዊ ኣኼባና ብመሰረት ኣሰናዳኢት ሽማግለ ሰፊሕ ዋዕላ ንደሞክራስያዊ ለውጢ ኣቅሪባቶ ዘላ መምርሒታት ማለት ኣብዘን ዝስዕባ ነጥብታት ዘተኮረ እዩ፡፡ 

ሀ/ ሕቶ ሃገራዊ ሓድነት ኣብዚ እዋን እዝን ድሕሪ ውድቀት ስርዓት ህ.ግ.ደ.ፍ.ን ብዝምልከት
ለ/ ጉዳይ መስርሕ ደሞክራስያዊ ለውጢ ብዝምልከት
ሐ/ ድሕሪ ውድቀት ስርዓት ህ.ግ.ደ.ፍ. ዝህሉ መስርሕ መሰጋግሪ መድረኽ ብዝምልከት

ሓሳባትኩም ብጽሑፍ ወይ ብቃል፣ ብዉልቀ/ብሓባር፣ ከተቅርቡ ከም እትክእሉ ክንሕብር ደስ ይብለና። ብተወሳኺ ብዛዕባ ግደን ተሳትፎን ህዝብን፣ ኣገባብ ምክፋል ኣብ ሃገራዊ ዋዕላ ንደሞክራሲያዊ ለውጢ፣ መብርሂን ሓበሬታን ክውሃብ እዩ።
 
ዝግበረሉ ቦታ፡          Shattuck Ave&55 Oakland CA 94609
ዕለት፡                      ንቀዳም ሰነ (June) 5, 2010
ግዜ፡               ካብ ሰዓት 2፡00 PM ስጋዕ 6:00 PM እዩ።
 
ብድሓን ምጽኡ!

ናይ ኣኼባ ቦታ ንዘይትፈልጥዎ በዛ ቴሌፍን እዚኣ ተወከሱ (415) 724-5718።

ካብ ብህዝብን ሃገር ኤርትራ እንግደስ ኣብ ቤይ-ኤርያ እንነብር መፍቀርቲ ህዝባዊ ሓርነት፣ ፍትሒ፣ ማሕበረ-ሰብኣዊ ማዕርነትን ዝዀንና ኤርትራውያን።