![[AIM] Asmarino Independent Media](/images/logo/ailogo.png){kind=logo}
ሰላማዊ ሰልፊ ብሲቪካውያን ማሕበራትን
ምንቅስቓስ ሕብረት ኤርትራውያን ኣብ ኖርወይ
Eritrean unity movement in Norway
ሰላማዊ ሰልፊ ብሲቪካውያን ማሕበራትን
ተቓወምቲ ውድባትን ኣብ ኦስሎ ኖርወይ
ንሰሉስ ዕለት 25 ግንቦት ብሲቪካውያን ማሕበራትን ተቓወምቲ ውድባትን ኣብ ኦስሎ ሰላማዊ ሰልፊ ክግበር ስለ ዝኾነ፡ ኩሉ ኤርትራዊ፡ ኣብ`ዚ ሰላማዊ ሰልፊ`ዚ ንኽሳተፍ ንዕድም፡፡
ዝኸበርኩምን/ክንን፡ ብህዝብኹምን ሃገርኩምን ትግደሱ፡ ነባራትን ሓደስቲ ሓተቲ ዑቕባን፡ ኤርትራውያን ኣብ ኖርወይ!! ደጊም ምጽማም ይኣኽለና፡፡ ሎሚ ንስርዓት ህ.ግ.ደ.ፍ ምጽማም፡ ስቓይ ህዝብና ኣናዊሑ፡ ጽባሕ ንጉሆ ተጣዕስና ክንመልሶ ዘይንኽእል ሳዕቤን ከየኸተለልና ኸሎ፡ ነቲ ንስደትን ውርደትን ከም ንሳጣሕ ዝገበረ፡ ንወላዲ ውሉዱ ዘስኣነ፡ ጨካን ስርዓት ህ.ግ.ዲ.ፍ ሓቢርና ንምክተሉን ውጊድ ንብለሉን፡ አዋን ኣኺሉ`ዩ፡፡
እቲ ሰላማዊ ሰልፊ ዝግበረሉ ዕለት፡ ከምቲ ኣብ ላዕሊ ተጠቒሱ ዘሎ ንሰሉስ 25 ግንቦት ኮይኑ፡ ዝጅመረሉ ስዓት ድማ፡ ልክዕ ስዓት ሰለስተ ድሕሪ ቀትሪ (15:00) እዩ፡፡
ሰልፈኛ ዝራኸበሉን ዝብገሰሉን ቦታ፡ ኦስሎ “ሰንትራል-ስተሽን” ኣብቲ ኣብ ጎድኒ “ትራፊካንተን” ዘሎ ሓወልቲ ናይ ነብሪ ኮይኑ፡ እቲ ሰልፊ ካብኡ ነቒሉ ክሳብ “ስቱር-ቲንግ” ፓርላማ ናይ ኖርወይ ክምርሽ እዩ፡፡
እቲ ሰላማዊ ሰልፊ ስዓት ሓሙሽተን ፈረቓን ድሕሪ ምዝዛሙ፡ በዓል ናጽነት ንምዝካር፡ ሕጽር ዝበለ መደብ ወጺኡ ስለ ዘሎ፡ ሰልፈኛ ብሓባር ናብ “ግሮንላንድ-ላይረት 37” ኣብ ዝርከብ ኣዳራሽ ብሓባር ክጓዓዝ ምዃኑ ክንሕብር ንፈቱ፡፡ ዝያዳ ሓበሬታ ድማ ኣብቲ ሰላማዊ ሰልፊ ክወሃብ እዩ፡፡
ብሰላም የራኽበና እንዳበልና፡ ኣብቲ ተጠቒሱ ዘሎ ንራኸበሉን ንብገሰሉን ቦታ፡ ስዓትኩም ኣኽቢርኩም ክትመጹ ንላቦ፡፡
ሲቪካዊ ማሕበራትን ተቓወምቲ ውድባትን
ኦስሎ ኖርወይ፡፡
ብድሓን ምጹ፡
