ቀጻሊ መግለጺ - ሚያዝያ 18 2010

ናይ ኤርትራ ማሕበር ኣካለ-ጽጉማን፡ ብመሰረቱ ሓድሽ ማሕበር ኣይኮነን። ቅድሚ ሸውዓተ ዓመት ብግዱሳት ሃገራውያን ኣብ ሃገር ፈረንሳ ተመስሪቱ ኣብ ምንቅስቃስ ስራሕ ዝጸንሐ’ዩ።

እምነትና፡ ብኲናት ይኹን ብተፈጥሮ ንዝሰንከሉ ወገንና ክንሕግዝ ኤርትራዊ ሓላፍነትና’ዩ። ንዝተወሰኑ ኣካላት ጥራሕ ዝምልከት ስለዘይኮነ። እወ፡ ምጥዋር ኣካለ-ጽጉማን (ናይ ሓርነት ውጉኣትና) ኣብ ከሰላ፡ ኣብ ሓደ ፖለቲካዊ ውድብ፡ ወይ ድማ ኣብ ውሑዳት ጉዱሳት ሰባት ተወሲኑ ጸኒሑ’ዩ። ነዚ ሃገራዊ ሓላፍነት’ዚ ተሰኪሞም ንነዊሕ ዓመታት ክንቀሳቐሱን ግብኦም ከወፍዩን ንዝጸንሑን ኩሎም ምስጋና ይግበኦም።

ብዝኾነ መዕቀንን መረዳእታን፡ ጉዳይ ኣካለ-ጽጉማን ኤርትራ ፖለቲካዊ ዘይኮነስ ግብረ-ሰናያውን ሞራላውን’ዩ። ስለዝኾነ፡ ናይ ኤርትራ ማሕበር ኣካለ-ጽጉማን ጨንፈር ሰሜን ኣሜሪካ፡ ጉዳይ ምሕጋዝ ኣካለ-ጽጉማትና፡ ሃገራውን ሞራላውን ሓላፍነት ናይ ኩሉ ዜጋ እዩ ካብ ዝብል እምነት’ዩ ዝንቀሳቐስን ዝሰርሕን ዘሎ።

ንምስረታ ‘ዚ ማሕበር’ዚ ዝምልከት፡ ዳርጋ ሰለስተ ርብዒ ተሳላሲሉ ኣሎ ክብሃል ይክኣል።

  • ኣብ ሰሜን ኣሜሪካ ከም ዘይመኽሰባዊ ማሕበር ኮይኑ ብሕጊ ቆይሙ።
  •  ውሽጣዊ ሕጊታቱን ኣርጊኡ። 
  •  ናይ ታክስ ኤግዘምፕት ፍቓድ ክረክብ ኩሉ መሰናድኦታት ወዲኡ።
  • መስራቲ ጉባኤ ኣብ ሺጋጎ፡ ኣብ ሓምለ 3-4 2010 ከካይድ ወሲኑ ኣብ ምድላዋት ይርከብ።   

እንተኾነ፡ ምስንዳእ ይኹን ምትግባር መሰራቲ ጉባኤ፡ ናይ መወዳእታ ሽቶ ኣይኮነን። ኣብ ጉባኤ ይኹን፡ ድሕሪ ምፍጻም ግባኤ፡-

  1. ጽኑዕ ውደባን ጽፉፍ ናይ ተግባረ-ስራሕ መደባትን፡
  2. ሓያል ዓቕሚ ሰብን ገንዘብን፡
  3. ተሓታትነትን ግሉጽነት ዘዘውትር ኣማራርሓ፡…. ክህልውዎ፡ ግድን የድልዩ።

ውጉኣት ሓርነትና፡ ወትሩ፡ “ኣብ ተዘክሮኹም’ዶ ኣሎና? ንሕና፡ ምእንቲ ህዝብና ዝሰንከልና ሰነድ ታሪኽ ገድሊ ህዝቢ ኤርትራ’ና!! እሞ ድኣ ከመይ ንርሳዕ? ሕድሪ ናይ ትማሊ፡ ግብሪ ሎሚ!!!” ዝብሉ ልቢ ዝትንክፉ ጸዋዒት ንሕልናና ብቀጻሊ ከበራብሩ ስለዝኾኑ። ንምዕዋቱ…? እወ፡ ይካኣል’ዩ።
ስለዚ፡ ንኣከለ-ጽጉማትና ንምርዳእ፡ ቀጻልን ዘላቕን ፍታሕ ዘረጋግጽ፡ ኣብ ምስራታ ጉባኤ ሓምለ 3-4 2010 ብኣካል ምስታፍን፡ ብሞያ ንምስናይን፡ በብዘለናዮ ክንዕጥቕ እነሆ ጸዋዒት ይቐርብ።

ኣሳናዳዊት ሽማግለ
ምስረታ ኤርትራዊ ማሕበር ኣካለ-ጽጉማን
ጨንፈር ሰሜን ኣሜሪካ
 

 


Help Andom, an Eritrean-American, get elected to Congress by donating at  andomforny.com/donate 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...