EYGM BLUEዓለም-ለኻዊ ምንቅስቓስ መንእሰያት ኤርትራ ኣእዳው ደለይቲ ለውጢ ሰሚረን፡ ንህዝብና ናብቲ ህዝብና ሃንቀው ዝብሎ ሰላምን፡ ራህዋን፡ ግዝኣተ-ሕግን ንክበጽሕ’ዩ ዝጽዕር ዘሎ። እዚ ከኣ ንሓደ ንኽልተ ዝግደፍ ኣይኮነን። ንኹሉ ብማዕረ ዝብጽሖ ቅዱስ ተግባር ኢዩ። ነዚ ንምትግባር ከኣ ዓለም-ለኻዊ ምንቅስቕስ መእሰያት ኤርትራ ካብቲ ዝርአ ዘሎ ጨናፍር መቓልሕ ቃልሲ ናጻ ኮይኑ፡ ቀላሲ ተራ ንምጽዋት መኣዲ ዘተ ሰሪዕ’ዩ ዝንቀሳቐስ ዘሎ። ካብዚ መሰረተ ሓሳብ ብምንቃል ከምኡ’ውን ሃገርና ዘላቶ ክፉእ ኩነታት ብምስትውዓልን ኣዩ ከኣ፡ ንሕና ብደውና ከለና፡ እሞ ከኣ እናሰማዕና እናረኣና! ህዝብና ኣሕሊፍና ንበላዒ ሰብ ኣይንህብን! ንዳሕራይ ወለዶ ሕማቕ ዛንታ ኣይንገድፍን! ዝብል ሓቦ ዝሰነቑ መንእሰያት ሒዙ እዩ ንዓወት ተበጊዙ ዘሎ። ዕላምኡ ከኣ ንህዝብና ካብዚ ዕብዳኑ ወሰን ዝሰኣነን ሃገር ዘጸልምትን ዘሎ ስርዓት ብኸመይ ነናግፎ? ካብዚ ሃገር ናብ ህልም ዝበለ ጥፍኣትን መዕለቢኡ ዘይፍለጥ ጸላም ሒዙዋ ዝዕንድር ዘሎ፡ የልምዕ ኣለኹ እናብለ ህዝቢ ዘታልልን ስርዓት ብኸመይ ህይወት ህዝብና ነድሕን? ናብ መገዲ ሰላምን፡ ራህዋን ልምዓትን ብኸመይ ክንመርሖ ንኽእል? ንዝብሉ ሕቶታት መልሲ ንምርካብ ሓቢርና ንዛተ። ንዑ ፈውሲ ንድለ። እዚ ገባር ክፉእ ከይቀደመና ከሎ ንቐድሞ፡ ንህዝብና ነድሕኖ እናበለ መጸዋዕትኡ ናብ ዝሰምዑ መንእሰያት  ዘመሓላልፍ ዘሎ ምንቅስቓ እዩ። 

ዓለም-ለኻዊ ምንቅስቓስ መንእሰያት ኤርትራ ህዝብና ገጢሙዎ ዘሎ ጭንቂ ዘየላቡ ምዃኑ ብምግንዛብ’ዩ ጸዋዒቱ ዘመሓላልፍ ዘሎ። ጽባሕ ካብ ምንባዕ ከኣ ሎሚ ናይ ርሑቕን ቀረባን ጸገማት ኣለሊኻ ፈውሲ ምርካብ እቲ እንኮ ኣማራጺ ምዃኑ ብምርዳእ ኣውያት ህዝቢ ናብ ኩሉ ዝሰምዕ ዘመሓላልፍ ዘሎ። ዕንወት ሃገር፡ ምብራስ ህዝቢ፡ ምፍላስ መንእሰይ፡ ተጣዒስካ ዝምለስ ስለዘይኮነ እዩ። ርግጽ እዚ መብዛሕትና ኣብ ማዕዶ ኮንና ብናይ ህዝብና መዓትን መከራን ተሳቒና ኢና። ድቃስ ስኢና ኢና። ሓሚምና ኢና። ግን ኣብ ዘዘለናዮ ኮንና ምጥዓስን ምብካይን ዋጋ ከምዘይብሉ ከኣ ንፈሊጥ ኢና። ስለዚ ሎሚ ተቐራሪብና፡ ተረዳዲእና፡ ዝሓይሽ መኺርና፡ ኣደራዕ ንክንበል ንዛተ። ነቲ ንድሕሪ ሕጂ’ውን ስልጣኑ ንምንዋሕ ዝጸፍዮ ዘሎ ማእለያ ዘይብሉ እከይ ነለልዮ። ኣለሊና ነምክነሉ ብልሓት ንድለ። እዚ ናይ ወለድና ሓቦ ተዓቲቕና ኢና ንከማና ዝኣመሰሉ ብህዝቦም ዝሓሙ መንእስያት ጸዋዕታና ነመሓላልፍ። ኩሉ ጸዋዕታና ዝሰምዐ፡ ንኣና ክመስል፡ ምሳና ክዕጠቕ፡ ምስ ህዝቡ ደው ክብል ከኣ ሙሉእ ተስፋን እምነትን ሒዝና ኢና ተላዒልና ዘለና። ስለዚ ሃየ በሉ መንእሰይ ኤርትራ! ንዑ ሓቢርና ኣብቲ ብዙሓት ክኢላታት ዝሳተፉዎ ዘተ ንውዓል። 

ዓለም-ለኻዊ ምስንቅስቓስ መንእሰያት ኤርትራ ኣብቲ ኣብ ኣትላንታ ጆርጂያ ብ16 ጥርን ብ17 ጥርን ዝካየድ ዘተ ድምቀት ዝህብ ብወናማት ኤርትራውያን ክቐርብ ምዃኑ ክነበስረኩም ከለና ሓጎስ ይስመዓና።
ብድሓን ምጹ

ኣዋሃሃዲ ጉባኤ ዓለም-ለኻዊ መንእሰያት ኤርትራ
ኣትላንታ ጆርጂያ 

 

 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...