እዋይ እዋይ እዋይ እዋይ ሰብ ሃሊቑ ስኣን እኽለማይ

ኣንታ ህዝቢ እንታይኻ በዲልካ ?

እዚ ኹሉ ተንኮል ኣብ ልዕለኻ

ክንዲ ዝቐለብካ ዝሓብሓብካ

ሓንጎፋይ ኢልካ ሰብ መሲሉካ

ቅንይ ተልካስ ቀዳሞት ጸላእትኻ

ክኣትዉ ሻማሻማ ዘይንብረቶም

ክዘምቱ ጀመሩ ማዓጹ ሰሰይሮም

ህዝቢ ደንጽዩዎ በቲ ተግባራቶም

ኣድሪቖማ ህግደፍ ጨው እግሮም

ኣይትብላዕ ኣይትስተ ምስዚኣቶም

መሬትና ምድረ በዳ ሰሃራ ኮይኑ

ዝብላዕ ዝስተ ጥር ዝብል ተሳኢኑ

ተካላይ ህዝቢ ብኸብዱ ተጨኲኑ

ሕጉስ ዝነበረ ግዜ ህግደፍ ሓዚኑ

ደቁ ንሃገር ዘወፈየ ጻሙኡ ሲኢኑ

ክንዲ ዝርህዎ ብመግዛእቲ ተቖሪኑ

ሃገር ዘውሕሱ ገዲፎም ንዓና ዝኾኑ

ጠላማት ተኪኡዋ ህዝቢ ዝጩኩኑ

ብውሳኔ ናይ ሳሕል ከሕቅቑ ንጀጋኑ

ሓቂ ንዝተዛረቡ ቀንጺሎም ከወግኑ

ብሕጊ ሳሕል ህዝቢ ሓመድ ከስሕኑ

ብደቂ በረኻ ትምራሓላ ሰብ ተሳኢኑ

ኣስመራ ውቅብቲ መልክዓ ተዳሂሉ

ካምፖቺታቶ መናድቓ ጠልጠል ኢሉ

ንኽትዛወር ትስከፍ ከይወድቕ ዱብሉ

ማዘጋጃ ቤት ዘጽንሓ ሓጺቡ ወላዊሉ

ሎሚ ግን ኣብ ማእገራ ርስሓት በቍሉ

ኣላዪ ሲኢና የድሕነና መዓልታ ኣኺሉ

ኣቤት ሓቦ ኣብ ጸልማት ብዘይ ማይ

ዓይነ ስዉር ኮይኑ ኣስላማይ ክስታናይ

ብሰንኪ ጸላእትና እናበለ ብምምኽናይ

ህዝቢ ተበሳቢሱ ብህግደፍ ዘመነ ግናይ

ሰሚዕና ኣብ ሆስፒዳል ቁንጨቱኳን

ሕርሲ ዝሓዘን ዝገብርኦ ጨኒቑወን

ዝስተስ ይትረፍ ጥር እኳ መሕጸቢአን

ክትጥዒ ተኸድካስ ናብ ሬሳን ቃሬዛን

ሆስፒታላት ህግደፍ ጋራጅ ዝመስል

ደሓን ኣቲኻስ ኣብ ምውጻእካ ትቖስል

ሃገር ትጽበላ ሓኪም ሕማማ ዘቐምስል

ሃገርና ንፈውሳ ከም ዓለማ ክትመስል

ኤረና ኩሑሎ ሎም ዘመን ሓዲኡሎ