ኣቦ “ሓምላይ ሰውራ” ዓሪፉ

ሃገረ ህንዲ ንፕሮፈሰር ቦርላውግ ብኣኽብሮትን ምስጋና ክትዝክሮ ቐንያ። ሻራድ ፓዋር ዝተባህለ ናይ ህንዲ ናይ ሕርሻ ሚኒስተር “ሃገሩን ካልኦት ድኻ ሃገራት ዓቢ ምስጋና ንፕሮፈሰር ቦርላውግ ከምዘለዎም ኣብ ታይምስ ኦንላይን ዝተባህለ ናይ መርበብ ሓበሬታ ገሊጹ። “ምስ ሞት ፕሮፈሰር ቦርላውግ፣ ዓለም ሎሚ ሓደ ዝና ዝመልኦ ናይ ሕርሻ ስነ ፍልጠታዊ ጥራሕ ዘይኮነ ኣብ ህላወ ደቅሰብ ኣዝዩ ዝግደስ ሰብ እውን እያ ሲኢና” ክብል ፕሮፈሰር ቦርላውግ ኣብ ዓለም ሰላም ንምምጻእ ኣስተዋጽኦ ስለዝገበረን ኣብ ናይ 245 ሚልዮን ሕዝቢ ህይወት ብምድሓን ተራ ከምዝተጻወተን ብተወሳኺ ኣመልኪቱ። ህንዲ ኣብዚ እዋን እዚ ናብ ካልኣይ ክፋል ናይ ሓምላይ ሰውራ ትቋመት ከምዘላ ዝተፈላለዩ ምንጭታት ይሕብሩ። 

ፕሮፈሰር ቦርላውግ ኣቦ “ሓምላይ ሰውራ” ተባሂሉ ዝፍለጠሉ ምኽንያት ንናይ ሕርሻ ስነ ፍልጠት ዝያዳ ምህርቲ ከምዘፍሪ ብምግባር ኣዝዩ ንኽቕየር ብዝሰዓቦ ለውጢ እዩ። እዚ ኣገባብ እዚ ናይ ዓለም ናይ መግቢ ፍርያት ካብ 1960 ክሳብ 1990 ዕጽፊ ከምዝበዝሕ ጌርዎ እዩ። ብዙሓት ኪኢላታት ነዚ ሰውራ እዚ ኣብ ካልኣይ ክፋል ናይ 21 ዘመን ዓለማዊ ጥሜት ንኸይህሉ ብምግባር ኣስታት ሓደ ቢልዮን ዝኸውን ህይወት ክድሕን ኪኢሉ ኢሎም ይኣምኑ።