እዝጊ ዝሃበኒ መንግሥቲ -
ሓላዪ ኃላኒ
ሕሳብን ስብሳብን ከየእርገኒ
ናይ ልበይ ፈሊጡ
መውረዲ ማይ
ጊርባ ይኸድነኒ
ብምልዓል እምኒ
መንኵበይ ከይምለጥ
ሳርሶ ይኾነኒ
ምስ ሓላዪ መንግስተይ
እንታይ ከይጎድለኒ
ኵሉ ባዕሉ’ሎዎ
እንታይ ከፊኡኒ
አረ ዝገርመኒ!
ሓሳበይ ከይተረፈ
ዝፈልጦ ይመስለኒ
ናይ ልበይ ቦግ ኣበላ
“ስግረ ዶብ ሓሲብካ” ምስ በለኒ
“ወይ’ቱ ጉዳም
ሸሪሎዋ ዛገዳም”
ተባህለ ያኢ
እዝጊ ከርኢ
መን ዘይጸላኢ
መንከ ዘይደማዒ
ሓሳበይ ዚፈልጥ መንግሥቲ
ፈጢሩለይ ያኢ
ናይ ከበድይ መርሚሩ
ናይ ልበይ ዝርኢ
ዘይተረአ
ዘይተሰምዐ
ወላ ኣብ ወጻኢ።
ኣምላኽ ዓዲሉኒ
ሸውሃተይ መዚኑ
ድራረይ መጡኑ
ዝሰትዮ ዓቂኑ
ዘአንግድ መራሒ።
እዙይስ በይኑ
እዩ በይኑ
ኣየ ሓልዮት
ኣየ እንግዶት
ዘቕንእ ንጓኖት
ከምዝ’ስ ይርከበዶ ኣብ ምድረ ገነት?
እንድዒኸ ኣታ እንድዒኸ!
ብህርፋን ዓሳስ ማይዶ ዓሚዀ?
ሓሪጭ ሓሪሙኒ ወላ ዚሓሰኸ
ጽጋብ ሰርኒቑዎ’ሉኒ ፍጹም ከይሓነኸ።

አረ እንታይ ጉዱ?
እንታይ ጉዱ?
ነፍስኹም ሓኺኽኩም
ባዕላትኩም ፍረዱ!!!
ሰብ ክምለኽ
ኣብ ጣዖት ትሰግዱ
ስርየት መስሉኩም
ብደም ኃው ትነግዱ
እዚኳ ኪውሕድ
ልቢ እንተሓንጊዱ
ሰብ ኪስጠ ከም ጕዚ ተቐዲዱ
ጓል ሃገር ክትግሃስ ኣብራኻ ርዒዱ
ጽልኣት እዝጊ ኣባና ግሂዱ
መግሃር ሓዊ ተኣጕዱ
“ወዮ መቓብርናስ
እና ሞቐ ከይዱ”[1]
መን ከምዚጥበስ ባዕላትኩም ፍረዱ!
አረ እንታይ ጕዱ እንታይ ጕዱ
ወላዲ ኪግፋዕ ብገዛእ ውላዱ
ዓጽምን ደምን ዘወፈ እዙይ ኰይኑ ኢዱ
ሓላይ መንግስትና ሥጋ ሰብ ለሚዱ
ጐርዞ ጊላዋ ነፈጸ ጠፍአ ተሰዲዱ
እንታይ እሞ ይግበር ተፊኡዎ ዓዱ።
 
 
 



[1] “ኑሮ ካሉት መቃብር ይሞቃል” (ምስላ ኣምሓርኛ)

 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...