Asmarino Fundraising: Because There Is So Much More to Be Done!

“ እምቢ ንባጤራ እሺ ንጣይታ? ”

“ እምቢ ንባጤራ እሺ ንጣይታ? ”

 ኣብዚ ዘመነ ሃረምረም
ውሉዱካ ሃባ… ጥሪትካ ድገም..
መሬትካ ኣመንኬላ ተነስኒስዋ..
ዝሓዝካ ሒዝካ
ሃጽ ኢልካ ህደም…

ንመን ድኣ’ዩ
ሕራይ ንጣይታ
እምቢ ንባጤራ ዝበሃሎ…?
ድሮ ዲዩ ተረሲዑ
ስርናይ ረዲኤት
ኣብ መሸጣ ከም ዘውዓሎ

እቲ “ ሓንቒቖም” ዝብል መስመያ
ገና እኳ ቀለሙ ዘይነቐጸ…
ሓኒቒቝ ንዘሕንቐቐ ድኣ
እንታይ ረዲኤቱ…
ዓው ኢሉ “ ርእሲ-ምርኮሳ” ዘይድምጸ
ደሃይ ቃንዛ ዶ የስምዕ’ዩ
ቖርባብሻ ዩሁዳ ገንዘብ ምስ ቀበጸ…

ኣምስሉ………
ጻዕዳ ወረቐት ልቕልቕ እንተወዓለ
ልቝሉቕ መቓብር ሙዃኑ
ኣይ ብመልክዑ እንዲዩ ካብ ማዕዶ ዝለለ
ጻድቕ ዶ ይሰመ ኮይኑ
ብልያልን መልኣኽን ኣብ ሓደ እንተ ቖረነ

ኣብዚ ዘመነ ውርውራ…
ሓቒ ተዛሪብካ ነብስኻ ኣይትዕብራ…
ስነ-ፖለቲካ ኣብ ከርሲ ሓቂ ተሰባጢራ…
ጨለ ክትባሃል…
ዘገም ትብል ኣላ ንግዕዘ ጠባቢራ…

እምበር…..
    
እኽሊ ካብ ገዘተ ንሸመተ
ዘይረሃጸሉ ቖፎ ብድሎ ካብ ዘመተ...
ክፋእ መጋቡሩ እንዶ እንሆ
ቍልጭ ኢሉ ይምስክር….
ወይስ ጣልያን* ኢዩ ባዕሉ ከይዱ
ርብዒት ሒዙ ክሰፍር

ስርናይ እውን ተሸይጡ ገንዝብ ይኸውን ኢዩ”

ኪሮስ ዮውሃንስ
halhalta@yahoo.com

 
BLOG COMMENTS POWERED BY DISQUS
 

Videos

Latest Comments

Announcements