ብደወል “ዓርቢ ሓረነት”
እዛ ልበይ ተሰቕለት! 

‘ኢድ ጸናሒት ሸናሒት’!
ከም ዝተባህለ ብቐዳሞት
ናባይ ተመሊሳ ጥልመት
ትደናደን ኣላ ክተጽድፈኒ ናብ ደልሃመት
ኣብ ሰማይ ዘሎ ጽሕፍቶኻ ዘይተንብብ! እናበለት
መርገም ኮይኑ’ሎ ነዚኣ ዝመሃዝኩላ ዕለት
ከምቲ ንዓመታ ዝጽለል ሎሚ እምኒ ይድርቢ ዝተባህለት 
ክስዕረኒ ጀሚሩ’ሎ ጽላለ ከልበትበት
መዓልታ ቆጺራ ናባይ ትመስል’ያ ዘላ ጥልመት
የምበድብዳ ከኣ’ሎ ደወል ዓርቢ ሓርነት
ሽም ነቢ ኢሳያስ ሒዘ ከለኹ ብምጉሓት
መመሰሊ ኮይነ’ለኹ ናይ ሰይጣናት
ከፈሽል’ውን ኣይከኣለን ብናተይ መናፍሓት 
ክሕባእ ኣይከኣልኩን ዋላ ኣብ ጸልማት
ጸልማት ዝጋልህ ስለ ዘሎ ኢንተርነት
ንህዝቢ ዘንቅሓ ስለ ዝብዝሓ ህዝባዊ ራዲዮታት
ፍሕሶታተይ ዘቃልዕ ስለ ዝበዝሐ ዝምጉት
ኢድን ጓንትን ኮይኖም ምስ ዓርቢ ሓርነት
የስድዑዎም ኣለዉ ነቶም ምሳይ ዝብሉ ሸኾርተት
ይበዝሑ’ለዉ ምምእዛዝ ዝኣብዩ ንኣና ንጎይቶት
በዚሖም ዝዕንቅፉኒ ካብ’ቲ ዝለመድኩዎ ሰብ ምርጋጽ ምቕባር
ድቃስ ስኢነ’የ ዘለኹ ብደወል ዓርቢ ሓርነት
ከጥፍኦ ጽዒረ’ውን ከም ሮማዲ ሰፊሑ’ዩ ዝሓድር
ብዓርቢ ሓርነት ይብህርር’የ ዘለኹ ይብህርር
መንፈር ዘይብለይ ኮይነ’ምበር ሒዚኑ ዝዕዘር
ዕዝር ምበልኩ ናብ ሽታ ባሩድ ዘይብሉ ሃገር
ዓዶም ምገደፍኩሎም ምድሓንኩ ካብ ምብህራር
ምዓረፍኩ ካብዚ መዕለቢኡ ዘይፍለጥ 
ናብራ ሃተፍተፍ ዕግርግር
 
ምልኪ ይፍረስ ግዝኣተ ሕጊ ይንገስ
ምስሉ ተኪኤ  ሕዳር 22, 2014
 
 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...