ዝሰበበ እንጀራ ተነጊፉ -
-    ተቖርሚሙ ይብላዕ
ዝሰበበ ሕንባሻ ከይተተንከፈ -
-    ይፍርከሽ ይስላዕ
ዝሰበበ ሓንጎል ጥልመት -
- ተሰኪሙ ይጥላዕ
ዝሰበበ ሕልና ብውሽጡ -
-    ይነቅዝ ይነዝዕ
ዝተዋርደ ህዝቢ ተሓቢኡ -
-    ተሳቒዩ ይነብዕ
ሞራሉ ዝተሰብረ መንእሰይ -
- ይድሰቕ ብስላዕ
ሕሊና ዝሞቶ ኤርትራዊ -
-    ሃገሩ እዳጠፍእት ይስስዕ
ንህርፋን ተገዚኡ ንጭቆና -
-    እንዳበሎ ፍጊዕ
ዓደብኡ እንዳተዘምተ -
-    ብሓሶት የጣቅዕ።

ኣደኻ ተዋሪዳ - ሓፍትኻ ኣይደሓነት
ኣቦኽ ተሸቑሪሩ - ስድራኻ ኣይቀሰነት
ሓውኻ ተገፊፉ - ንቁሉዕ ባርነት
ኣብ ቅድሚ ዓይንኻ - ሃገር እንዳዓነወት
እስኪ ንገሩኒ - ትርጉም ናይ ነፃነት
ኪነው ዶብ ትሐስብ - ፈላስፋ ናይ ጥልመት
ህዝብኻ እንዳሽእጥካ - ንስልጣን ንሹመት
ኤርትራዊ ትብል ረሳሕ - ናይ ጥፍኣት ገልሃሞት።

ኣታ እዛ ኤርትራና -
-    እንታይ ወሪድዋ
ኣናህብ ጠፊኦም -
-    ሃመማታት ዝዓስልዋ
ዝሰበበ ሓንጎል -
ካብ ኩሎም ዘሚትዋ
ኣብ ጎዱፍ ዝውዕል -
- ብጾት ንዓል ቃርማ
ደም ህዝቢ ዝመጽይ -
-    ስሱዕ ከም ሓሳማ።

ብድሕነት ሃገር ዝዝምሩ -
- ናይ ሓሶት ዋዜማ
ንህዝቢ ከፋፋሊ ዝፈጥሩ-
-    ንተንኮል ቁዘማ
ኣለዉ መንድዓት ህዝቢ -
-    ዘድልዮም ማሕጎማ
ኤርትራና ክትፍወስ ክሓልፈላ  -
-  ብደቃ ተሓኪማ
የብቅዕ ይኣክል ምፍልላይ -
-    ብቀደም ሕማማ።

ኣከለ ሰራየ ሰምሃር -
-    ደቂ ሰንሒት ሓማ
ኣሕዋት ብሌን -
-    ንዓል ባርያ ኩናማ
ሃይማኖት ኣውራጃ ገዲፍኩም -
-    ክትሓፍሱ ናትኩም ጻማ
ንፍቕሪ ሓድነት በልዎ -
-    ብሰላም መርሓባ።

ሰለሞን ብርሃነ ሠንጋል

“ ሕልና - 04/2012 “


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...