መላኺ ኢሳይያስ ናብ ፕረዝደንት ኣመሪካ ዘቕረቦ ምሕጽንታ ኣብ

  ሰራሕተኛታት ሚኒስትሪ ጉዳያት ወጻኢ ቅሬታ ከምዝፈጠረ ተረጋጊጹ

ካብ ሚኒስትሪ ጉዳያት ወጻኢ ኤርትራ ልሒኹ ንዝወጸ ሓበሬታ ብምጥቃስ ምንጭታት
ወጋሕታ ከምዘረጋገጹልና- መላኺ ኢሳይያስ ከም ቀደሙ ኣብ ዓቕሊ ጽበት ምስተሸመመ ካብ
ዝጠሓሎ ራዕዲ ክገላግሎ ብምምሕጻን ናብ ፕረዝደንት ባራክ ኦባማ ዝሰደዶ መልእኽቲ ኣብቲ
ሚኒስትሪ ዓቢ መዘራረቢ ኣጀንዳ ኮይኑ ቀንዩ’ሎ።
ዲፕሎማሲያዊ ንጥፈት ኤርትራ ኢሳይያስ በይኑ ብኢደ ዋኒኑ ብዝኽተሎ ኣንፈት እነሆ
ብቐሊሉ ናብ ዘይትስኣሉ ደረጃ ውድቀት በጺሑ ዝብል መረረት ይስማዕ ኣሎ ዝበለ ሓበሬታ
ምንጭታትና ነገራት ምሰብቅዐ መሓሩኒ ምባል መግለጺ ዲፕሎማሲያዊ ውደቀት ኤርትራ
ኮይኑ ክቕጽል እቲ መላኺ ይፈርድ ኣሎ ክብል ድማ ኣመልኪቱ።
ብስምዒትን ክብሪ ካልኦት ብምውራድን ኣቢሉ ዝውሰድ ስጉምትታት መላኺ ኢሳይያስ
ኤርትራ ብመዳይ ዲፕሎማሲ ከበድቲ ክሳራታት ክትሽከም ጌሩዋ’ዩ ናብ ኢጋድ ክንምለስ
ንገብሮ ዘለና ጻዕርን ናብቲ ዘዋረድናዮ ኣፍሪቃዊ ሕብረት ምለሱና ኢልና ዘቅረብናዮ ለበዋን
ናይዚኦም ኣብነታት’ዮም ድማ ይብሉ ሰራሕተኛታት እቲ ሚኒስትሪ።
እዚ ኣካይዳ’ዚ ኣብ መዳይ ዲፕሎማሲ ኣብ ናይ መወዳእታ ብርኪ በጺሕና’ለና ዝብል ተስፋ
ናይ ምቑራጽ ስምዒት ኣብ ሰራሕተኛታት እቲ ሚኒስትሪ ፈጢሩ ምህላው ከኣ እቲ ካብቲ
ሚኒስትሪ ሰሊኹ ዝወጸ ሓበሬታ ወሲኹ ኣረጋጊጹ’ዩ።
መርበብ ሓበሬታ ተጎርባ ንእሙናት ምንጭታት ብምጥቓስ ኢሳይያስ ካብ ዝጠሓሎ ራዕዲ
ክገላግሎ ንኦባማ ምሕጽንታ ከምዝለኣኸሉ ገሊጻ ምንባራ ይዝከር።