C K
ኣላ ክብሪ ሓላይ ክብሪالكرامة على الكرامة حلى    
----------------------------------------------------------
ገመል ተጻዋሪ ...
Camel Resistant …     جمل بما حمل ....

ገመል ተሰካሚ ተጻዋሪ
ጎብለል ፍጥረት በኣል ዝና ክብሪ
ኣጉኣኣዚ ታሪኽ ኣመሓላልፊ ሕድሪ
ፍጹም ዘይርሳእ ዘልኣለማዊ ዝኽሪ።

ገመል ረታኢ በኣል ሓቂ
ስርሑ ዘይሽነን ብኣልማዝ ብወርቂ
ግሩም ፍጥረት ጸቢቑ ኣጸባቒ
ምስ ገመል ዘሎ ነይህልዎ ጭንቂ።

ገመል መስፍን ልኡል ኣልኣሊ
ንሽቶ ንእላማ ኣብ ግብሪ ኣውኣሊ
ንጸላኢ ካብ ፈታዊ ፈልዩ ዘለሊ
ብማንም ዘይሽበር የብሉን መታለሊ።

ገመል ንእላማ ንመትከል ኣካያዲ
ግምጃ'ዩ ወሳኺ መላኢ ዘውዲ
ክብሪ'ዩ ኣገልጋሊ ረዳኢ ኣዲ
ርህሩህ ንፈታዊ ጨካን ንባእዲ።

ገመል በኣል ዝና ወኒ ዝኽሪ
ፍቱው ብኹሉ ኣሕዋቱ ሰብ ደብሪ
ኣገልግሎቱ ምልእቲ ዘይተጉድሊ ስፍሪ
እሙን ጽሩይ፡ ትኡይ ጎይታ ባሕሪ።

ገመል እሙን ጽቡቕ ፍጥረት
ኣተኩሮ ዘግብር ንጃር ንጎሮቤት
ታሪኽና ኣብ ሃገር ታሪኽና ኣብ እምነት
ናጽነት ሃገር ሑሪያ ሃይማኖት
ናጽነት ሃገር ሑሪያ ሃይማኖት።
Awwal Care As-hama
19-Jan-‘12
____________________________

ገመል ሰራሕ . . .
Camel Worker of … جمل عمل ....

ገመል ሰራሕ ትእምርቲ ቅያ
ተጋዳላይ ብጻይ ኑር ኣርኣያ
ታሪኸኛ በኣል ኣቢ ሞያ
ፈጺምካ ዘይትውዳእ ታሪኹ ተጸውያ።

ገመል ሰራሕ ጅግንነት
ካብ ፈለማ ዝተቓለሰ ንናጽነት
እምብለይ ዝበለ ንጭቆና ባርነት
ዘይተሓለለ ክሳብ ናይ መወዳእታ ሰኣት።

ገመል ሰራሕ ኩርኣት ክብረት
በኣል ትእግስቲ ኣብ ጽንኩር ኩነት
በኣል ኢስራር ኣብ ኩሉ ህሞት
በኣል እምነት ምሉእ ህይወት።

ገመል ሰራሕ ትእምርቲ
ዘይስልችዎ ቀትሪ ኮነ ለይቲ
ዘይድህለል ብኣመጽቲ ከተርቲ
መንጸራረዊ ርእሲ ጨቆንቲ ጠለምቲ።

ገመል ሰራሕ ቅያ መትከል
ረዚን ኩሩእ ዘይፈኩስ ዘይቀልል
በኣል ግርማ ፍጹም ዘይታለል
ምንያ ኮለል ዘይትቐርቦ ዘይብል ኮለል።

ገመል ሰራሕ ፍቕሪ ዝያዳ
ጽሩይ ፍጥረት መርከብ ምድረበዳ
ፍቱው ብኹሉ ብኣለማ ብኣዳ
ትብህጎ ትናፍቖ ውሻጠ ኮነት ሜዳ።

ግመል ሰራሕ ሸቶ እላማ
እምሩ ዝተሰከመ ነደ ንማማ
ምሕረት ዘይትፍለዮ ርህራሄ ራሕማ
ንኹላ ዘገልግል ክትገብር እማማ።

Awwal Care As-hama
21-Jan-‘12