መበል 19 ዓመት ነጻነት ኤርትራ

Svensk-Eritreansk organisation för demokrati och rättvisa i Göteborg

መግለጺ ብምኽንያት መበል 19 ዓመት ነጻነት ኤርትራ

ሎሚ ህዝቢ ኤርትራ ኣብ ውሽጥን ወጻኢ ሃገርን ኮይኑ ሃገራዊ ነጻነቱ ዘረጋገጸሉ መበል 19 ዓመት ክዝክር ከሎ፡ እቲ ናይ ብዙሓት ዜጋታት ህይወት ዝተኸፍሎ ቃልሲ መደምደምታ ምርካቡ ብሓጐስ ምብዓል ጥራይ ዘይኮነ፡ ብኣንጻሩ ድሕሪ ምእዋጅ ሃገራዊ ነጻነት ኤርትራ ብሰንኪ ዲክታቶርያዊ ስርዓት ህግደፍ ህዝቢ ኤርትራ ሕግን ፍትሕን ስኢኑ፡ ሰብኣዊ መሰሉ ተገፊፉ፡ ብሓድሽ መልከዕ ናብ ዝኸፍአ ኣደዳ ስደትን ስቓይን ሞትን ተሳጢሑ ምህላዉ ብመሪር ሓዘን ክዝከር ዝግብኦ ፍሉይ ዕለት ኢዩ፡፡

እዚ ዕለት’ዚ ህዝቢ ኤርትራ ኣብ ሕግን ስርዓትን ዝተመስረተ ፖለቲካዊ ባህሉን ልምዱን ንኸየማዕብልን ከየስተማቕርን ዲክታቶርያዊ ስርዓት ህግደፍ ኣብ ኤርትራ ብዘይካይ ነጻነት ዝህብን ዝኸልእን ካልእ ፖለቲካዊ ስልጣን የልቦን እናበለ ንዕስራ ዓመታት ዝኣክል ነቲ ተሰሪቱ ዝጸንሐ ሓቀኛ ታሪኽ ህዝቢ ኤርትራ ዘሪጉ፡ ንባዕሉ ድማ ብዓለም ለኻዊ ሕጊ ተኣጊዱን ተነጺሉን ናይ መወዳእታ ግብኣተ መሬቱ ዝጽበየሉ ዘሎ እዋን ኢዩ፡፡

እምበኣር ኣብ ከምዚ ዝኣመሰለ ኩነታት ኩሎም ደለይቲ ፍትሕን ሰላምን ዝኾኑ ሲቪካውያን ማሕበራትን፡ ውድባትን፡ ውልቀ ሰባትን፡ ካብ ናይ ዝኾነ ይኹን ግዜ ንላዕሊ ሓድነቶም ኣደልዲሎም ንህግደፍ ካብ ገጽ መሬት ኤርትራ ብምጽራግ፡ ኣብ ክንድኡ ብመትከል ዲሞክራስያዊ ሕገ መንግስቲ ትመሓደር፡ ሕግን ፍትሕን ሰላምን ዝሰፈና ሃገር ንምህናጽ ከምኡ’ውን ኩሎም ኣብ ትሕቲ ቤት ማእሰርቲ ህግደፍ ሰብኣዊ መሰሎም ተገፊፎም ዝሳቐዩ ዘለዉ ዜጋታት መሰላቶም ዝሕለወሉን ፍትሒ ዝረኽብሉን ባይታ ንምፍጣር ኩሉ ኤርትራዊ ዜጋ እጃሙ ከበርክት በዚ ኣጋጣሚ ሓልዮት ዝመልኦ ታሪኻዊ ጻዋዒትና ነቕርብ፡፡

ማሕበር ጥርናፈ ኤርትራውያን
ንዲሞክራስን ፍትሕን
የተቦሪ ሽወደን

21 ግንቦት 2010 ዓ.ም.ፈ.

Prof. Mirjam van Reisen: a Tulip in a field of weeds

Bisrat Fissehatsion: “My Sister’s Dreams are Still Alive”

The Story of Cesarino and his Big Dreams for Eritrea

Amal Saleh: A Journalist Who Left Everything Behind and Headed Into Exile

PM Abiy Ahmed of Ethiopia: The Deceitful Peace Prize Winner

Ethiopia's PM Abiy admits Eritrean forces are in Tigray

Eritrean Troops in Tigrai: Shame on you!

Eritrea: ኣንታ፡ እዛ ኤርትራ ዝብልዋ

Ethiopian Army jails BBC reporter in Mekele

ሓርበኛ ተጋዳላይ ኣድሓኖም ገብረማርያም - ዕለተ መስዋእቲ፡ ለካቲት 19 2021

መበል 19 ዓመት ነጻነት ኤርትራ

Latest

መቓልሕ ርእሰ ዓንቀጽ:- ብሕታውያን ጋዜጣታት ኣብ ሓደጋ

መበገሲ ጉዳይ ተማሃሮ ዩኒቨርስቲ ጠንቅን ህሉው ደረጅኡን ካብ ጉዱሳት ተማሃሮ

Eritrea: ኤርትራ ክውንቲ ክትከውን ካብ ዝወዓሉ ንሎሚ: ቃለ-መጠይቕ ምስ ሚኒስተር ጴጥሮስ ሰለሙን

ጋዜጣ ሰቲት ዓርቢ ነሓሰ 2001 - ዓሚዲ ንመኻኸር

Eritrea: Who is Jermano Nati ~ ተጋዳላይ ጀርማኖ ናቲ መን'ዩ?

“ዝመረጽናዮም ሚኒስተራት በብተራ ነፍስ-ወከፎም ንሓደ ዓመት ፕረዚደንት ይኾኑ”