ዕውት ህዝባዊ አኼባ አብ ሮተርዳም

ዕውት ህዝባዊ አኼባ አብ ሮተርዳም
 
ብዕለት 17 ሚያዝያ 2010 አብ ሮተርዳም ሆላንድ ብአባላት ኪዳን ተቓወምቲ ሐይልታት ኤርትራን መርበብ ሲቪካውያን ማሕበራትን ግዱሳት ኤርትራውያንን ህዝባዊ አኼባ ብዓወት ተዛዚሙ።

ህዝባዊ አኼባ ዋሕዚ ካብ ዝተፈላለየ ከተማታት ሆላንድ ዝተሳተፈሉ ኮይኑ አካያዲት ሽማግለ ናይ እንኳዕ ደሐን መጻእኩም ቃል ድሕሪ ምስመዖም ስፍሕ ዝበለ ህልዊ ኩነታት ሃገርና ኤርትራ ድሕሪ ምግላጽ ሎሚ ንህዝብና ዝወርዶ ዘሎ መከራ እንዳበአሰ ይኸይድ ከምዘሎ እኹል መብርሂ ሂባ።

ድሕሪኡ አብ ዝሐለፈ ዓመት ዝተገብረ ንጥፈታት ገምጋም ድሕሪ ምርአይ ንብድሕሪ ሕጂ ክግበሩ ዘለዎም ዕማማት ብዕምቆት ተኻቲዑ፡ ብኸምዚ ዝስዕብ መደምደምታ ብልዙብ መንፈስ አኼብኡ አሰላሲሉ። ንመጻኢ ዕዮታቱ ብዝያዳ አድማዕን ስጡምን ዝኾነ አሰራርሐ ክጥቀም ምኻኑ ርእዩ። ካብኡ ድማ ንህልው ኩነታት ህዝብና አብ ግምት ዘእተወ እዋናዊ ዕዮታት ሕጂ ከምመደብ ተታሒዙ ዘሎ።

1.    ግብራዊ መኸተ ነዚ ሕጂ ዘሎ ኩነታት እገዳ አንጻር ስርዓት ህግደፍ፡
2.    ምንቅስቓሳት ህግደፍ አብ ዘለናዮ ቦታ ከመይ ገይሩ እግሩ ከምዘሕጽርን፡
3.    ዝተፈላለየ ህዝባዊ ሰሚናራት ብምክያድ ሞያውያን ህዝቢ አብ ጎኑ ከምዝስለፍ ምግባርን እዩ።

ካብኡ ሐሊፉ ነዚ ሕጂ ዝካየድ ዘሎ ጉዳይ ሰፊሕ ዋዕላ ንዴሞክራስያዊ ለውጢ ብዓቢ ጠመተ ብምርአይ ካብዚ ናይ ሎሚ አኼባና ዝለዓለ ስራሐትን ውዕውዕ ኩነታት ዴሞክራስያዊ ፍታሕ ዘተ ህዝብና እንዳተኸስተ ይኸይድ ከምዘሎ ብምሕባር ጨንፍርናውን ግዲኡ ብምርአይ አኼብኡ ብጽቡቅ ዛዚሙ።
 
ዓወት ንፍትሐዊ ቃልሲ ህዝቢ ኤርትራ
ውድቀት ንዲክታተርያዊ ስርዓት ህ.ግ.ደ.ፍ.
ዝኽሪ ንስውአትና።