Asmarino Fundraising: Because There Is So Much More to Be Done!

Eritrean Music 2017//ዓይኑ ይብራህ\\ Zekarias Berhane (Zaki)

ዓይኑ ይብራህ ዝራኣየ እንተሎ

ዓርከይ ክንዲ ሓወይ ሰብ ጠፊእኒሎ

ትኽ ትንፋሰይ ኔሩ ናይልቢ መማኽርቲ

ማዓቢተይ ዓርከይ ማንዛይ መጻውቲ

       ዝራኣየ ዶሎ     መንዩ ዝነግረኒ

       ሓወይ ምቃል ጎነይ ዓርከይ ጠፊእኒ

       ምስ ሰቡ ወፊሩ ገዝኡ ዘይተመልሰ

        ተኣሲሩ ኢሎሞ   ገለ ከይ ኣበሰ

ኣብ ዓሰብ ዶ ይህሉ ኣብ ዳህላክ ኣብ ናኹራ

ኣብቲ ሃሩር ጉድጏድ ናይ ደንካልያ ሸላ(ሳህራ)

ኣብ ገደም ዶ ይህሉ ኣብ ሚዒጢር ገልዓሎ

ወይስ ኣብ ጋሕቴላይ ኣብ ዓላ ዶንጎሎ

             ኣብ ዓጊብ ዶይህሉ ኣብ ገደም ዒራዒሮ

             ኣብ ሰምበል ዶ ዳኣ ኣብ ጸጸራት ካርሼሎ

            ወይስ ዓዲ ንፋስ    ኣብ ዓዲ ኣበይቶ

            ትራክቢ ዶይህሉ     ተኣሲሩ ኦቶ

ኣብ ኣደርሰን ዶ ይህሉ ተሰነይ ኒብራ ኣርባዓ

ግርማይካ ተማራት ናይቀደም እንዳ ሰብዓ

ባረንቱ ዶ ይህሉ ብሪሞ ካንትሪ

ወይስ ኣብ ማይ ስርዋ ፍሉይ መሐየሪ

        ማይ ዓይኒ ዶ ህሉ ወይስ ዓዲ ኳላ

         ወይካኣ  ሰንዓፈ ካምቦ ፍርስታላ

          ማይ ዱማ ዶ ይህሉ ሾልቂ ቆላ ሰረ

          ወይድማ ብንቢና ጥቓ እንዳ ባድረ

ይሳቐ ይግረፍ  ብሓለንጊ በትሪ

ምስኩቱር ጥሜቱ ኣብ ኣፈሞት ጻዕሪ

ዓርከይ ክንዲ ሓወይ ዝራኣዮ ዶሎ

ኣብገዛእ መሬቱ ሰብ ጠፊእኒ ኣሎ

          ኣብኩለን ሓቲተ ዝራኣየ ኢለ

           ደልየ ሲኢነዮ ኮሊለ ኮሊለ

           ተስፋ ምስሳኣንኩ ኣነ ድማ ኣንቂለ

           ኤርትራ ወጼላ ዶባ ተሳጊረ

ናብራ መሪርኒ ሓሽከር ኮይንካ ምንባር

ኣርዑት ናይ ምልካውያን ሲኢነ ምጽዋር

ናፉቖተይ ቋጺረ ሾው ኢለ ወጼላ

ክሳብ ዝምለሳ ዓደይ ወጊሕላ።

 
BLOG COMMENTS POWERED BY DISQUS